Qoftet janë një ushqim që pëlqehet nga të gjithë. Janë një pjatë e dytë e shijshme por fare mirë mund të shërbehen edhe mbasdite të shoqëruar me një aperitiv. Ka shumë mënyra për të gatuar qoftet. Në masën e përgatitur për qoftet mund të fusim edhe perime. Kjo është një mënyrë e mirë për të bërë fëmijët të hanë edhe ato ushqime që në të vërtetë nuk i kanë ngrënë asnjëherë. Në këtë recetë, ne kemi sjellë një variant të përgatitjes së qofteve.
Qofte të vogla
Sasia: 0
Përbërësit
- 500 gr mish i grirë
- 1 qepë
- 3 thelpinj hudhre
- 1 vezë + 1 të verdhë veze
- 1 patate e vogël
- 1 fete bukë
- pak qumësht
- pak kripë
- pak piper
- pak rigon
- pak nenexhik
- pak majdanoz
- pak vaj
Përgatitja
- Hedhim në grirësin elktrik qepën e qëruar, hudhrën, erëzat dhe i grijmë. Vendosim fetën e bukës të regjet me pak qumësht. Në një enë të madhe hedhim mishin e grirë.
- Shtojmë qepën e grirë me erëzat. Shtojmë edhe bukën, të cilën e shtypim me dorë. Bashkojmë vezën dhe kripë. Me anë të një rendeje grijmë pataten e qëruar dhe e shtojmë te ena me përbërësit e tjerë. Trazojmë të gjithë përbërësit me dorë.
- E punojmë derisa të arrijmë një masë homogjene. E lemë përreth 30 minuta që të pushojë. Më pas me dorë krijojmë qofte të vogla. I lyejmë sipër me të verdhën e vezës me anë të një furçe.
- Më pas i skuqim në vaj të nxehtë. Qoftet i shërbejmë të ngrohta, të shoqëruar me patate të skuqura, me pure patatesh ose me sallatë.
Ju bëftë mirë
5 comments
A din dikush te me tregoj si behen qebapat?Nese po ju lutemi shkruajeni reqeten.Ju falemnderit.
me pelqen per te gatuar……
Vazhdo te na ndjekesh e na shkruaj per çdo gje.
gjithe te mirat!
:)))))))))))))