Bifteku përgatitet me mish tul, por kjo recetë biftek me mish të grirë është për tu provuar. Receta është mjaftë e shëndetshme dhe e thjeshte për tu përgatitur.
Biftek me mish të grirë
Sasia: 4 persona
Kalori: 360kcal
Përbërësit
- 800 gram mish i grirë viçi
- 500 gram qepë
- vaj ulliri
- pak gjalpë
- kripë
- piper
- majdanoz
- një degë rozmarinë
- dy gjethe sherebel
Përgatitja
- Mishin mund ta grijmë vet duke zgjedhur pjesë pa shumë dhjamë ose mund ta porositim tek dyqani jonë i besuar. Marrim mishin e grirë, i hedhim kripë , piper dhe e trazojmë.
- E ndajmë mishin e grirë në katër pjesë të barabarta duke i bërë pjesët rrethore me trashësi 1,5 – 2 cm.
- Biftekun në formë hamburgeri i skuqim nga të dyja anët në tigan me vaj ulliri (dhe pak gjalpë) së bashku me rozmarinën dhe dy gjethe sherebel të cilat i japin aromë të këndshme mishit.
- Në pjesët bosh të tiganit hedhim qepët e grira hollë dhe pak kripë.
- I përziejmë herë pas here dhe i mbulojmë me kapak.
- Pasi e shikojmë që qepa është skuqur i hedhim edhe dy lugë ujë. I lemë të ziejnë në zjarr të ulët derisa të shterojë ujë.
- Biftek me mish të grirë është gati. Grim imët majdanozin dhe e hedhim sipër biftekut. Mund shërbehet i ngrohtë i shoqëruar me perime të ziera.
Ju bëftë mirë nga Arti Gatimit!
Këta lloj biftekësh përdoren edhe për përgatitjen e hamburger, recetën e te cilit e gjeni në faqen tonë. Abonohuni në njoftimet e faqes, do të merrni në inbox recetat e reja.
