Pula në furrë me patate është një nga pjatat klasike që mund të gatuhet më shpesh.Mishi i pulës është i lehtë dhe i gatuar mirë është dhe shumë i shijshëm. Kjo është një recetë shumë e thjeshtë, mjafton të vendosësh pulën të lyer me erëza në furrë. Kjo pjatë është shumë e pëlqyer edhe nga fëmijët.
Pulë në furrë me patate
Përbërësit
- 1 pulë
- 5-6 patate
- pak vaj ulliri ose gjalpë
- disa erëza të ndryshme aromatike gjethe dafine, rozmarinë, sherebelë, trumzë, manxuranë
- 2 thelpinj hudhra
- 8-10 gr kripë
Përgatitja
- Marrim erëzat dhe i grijmë me thikë, i bashkojmë me kripën. Në një tas të vogël hedhim erëzat dhe vaj ulliri ose gjalpë nëse dëshironi.
- I përziejmë mirë. Me këtë përbërje lyejmë të gjithë pulën. Edhe me thelpinjtë e hudhrës fërkojmë pulën në mënyrë që të marrë aromën.
- E vendosim pulën në një tavë dhe e fusim në furrë 200°C. Koha e pjekjes varet nga madhësia e pulës, për një pulë 1 kg duhen rreth 50-60 minuta. Në 20 minutat e fundit bashkojmë dhe patatet në tavën e pulës.
- U hedhim dhe atyre erëza sipër dhe e vendosim tavën përsëri në furrë. Kur të jenë gati vendosim pulën dhe patatet në pjatancë dhe i shërbejmë të ngrohta.
Ju bëftë mirë
Na ndiqni në Instagram @ArtiGatimit dhe vendosni tag #artigatimit recetat që gatuani!
2 Comments
Komento nga Facebook!