Për një hamburger të realizuar, cilësia e mishit duhet të jetë superiore. Llojet e hamburger që mund të përgatitim janë të ndryshme. Përbërja hamburgerit duhet të jetë mish (70-80%) dhe dhjamë (20-30%), lexo recetën që ne kemi përzgjedhur.
Hamburger përgatitur në shtëpi
Përbërësit
- 4 panine per hamburger
- 500 gr mish i grirë
- 2 thelpinj hudhër
- 1 kokërr qepë
- 4 fleta sallatë jeshile
- 1 kokërr domate
- 60 gr gjizë
- vaj ulliri
- piper
- kripë
- majdanoz
- 1 kokërr limon
Përgatitja
- Në një enë hedhim mishin e grirë, hudhrën e grirë, pak kripë dhe piper. I trazojmë mirë dhe i bëjmë qofte në formë rrethore, një lloj qofte e madhe. Duhet të dalin rreth 4/5 copë. I mbulojmë dhe i fusim në frigorifer për 30 minuta.
- Ndezim sgarën në maksimumin e temperaturës dhe pasi të nxehet, vendosim sipër hamburgerin. I pjekim rreth 2/3 minuta nga çdo anë. Nuk duhet të bëjmë shumë presion mbi mishin.
- Përgatisim mbushjen për hamburger. Në një enë bashkojmë gjizën me vaj ulliri, pak hudhër të grirë, majdanoz të grirë hollë dhe lëkurë limoni të grirë në rende.
- Pasi qoftet janë pjekur i spërkatim me lëng limoni dhe vaj ulliri.
- Presim paninet në mes dhe i lyejmë me gjizë nga të dyja anët. Lexo recetën për panine për hamburger. Mbi salcën me gjizë vendosim fletën e sallatës, hamburgerin në mes, qepë, domate e mbyllim paninen me pjesën tjetër.
- Hamburger sipas Arti Gatimit është gati.
Notes
Përgatitja
Ju bëftë mirë!
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!