Hamburger me mish pule është një recetë e thjeshtë nëse kërkoni një ushqim me shije delikate. Panine për hamburger të përgatitura në shtëpi do ti shtojnë akoma më shumë flagrancë dhe freski kësaj recete.
Hamburger me mish pule
Sasia: 4 persona
Kalori: 337kcal
Përbërësit
- 400 gr mish pule
- 4 panine për hamburger
- 1 kokërr vezë
- 20 gr galet
- 4 feta djathi cheddar
- 50 ml qumësht
- 50 gr bukë 2 feta
- 1 kokërr qepë
- 1 sallator turshi
- vaj ulliri
- pipër jeshil
- kripë
Përgatitja
- Përgatisim 4 hamburger me mish pule duke hedhur në një enë mishin e pulës (pjesën e gjoksit) të marinuar dhe të kaluar në grirëse mishi. Hedhim bukën e regjur në qumësht dhe të copëtuar në thërrmija.
- Shtojmë më pas dhe vezën dhe i përziejmë mirë përbërësit. Rregullojmë kripën dhe shtojmë pak piper jeshil. Ndajmë masën në katër pjesë të barabarta dhe i japim formën e hamburgerit.
- Nxehim grillën dhe sipër e lyejmë pak me vaj ulliri. Vendosim të piqen hamburger me mish pule deri ne dy tre minuta për anë. Në çastin e fundit shtojmë sipër hamburger edhe fetën e djathit.
- Ndajmë paninet në mes dhe i vendosim të theken në grillën ku kemi pjekur hamburger. Shtojmë nga një hamburger në çdo pjesë panine dhe më pas disa pjesë qepë së bashku me disa feta të vogla sallator turshi.
- Vendosim dhe pjesën tjetër të panines dhe hamburger me mish pule është gati.
Lexo gjithashtu Hamburger me djathë dele ose hamburger përgatitur ne shtëpi
