Bollgur me perime është një recetë e thjeshtë dhe e shpejtë kur nuk kemi kohë për të gatuar. Zgjedhja e perimeve mund të jetë sipas dëshirës, mjaftojnë të jenë të freskëta dhe bio.
Bollgur me perime
Sasia: 4 persona
Kalori: 180kcal
Përbërësit
- 100 gr bollgur
- 160 ml ujë
- 1 kokërr qepë
- 1 kokërr domate
- 1 lugë gjellë salcë domate
- 1 specë jeshil
- 1 specë të kuq
- 1 thelb hudhër
- vaj ulliri
- gjalpë
- Kripë
- majdanoz
Përgatitja
- Në fillim pastrojmë e lajmë qepën, e presim hollë dhe e kaurdisim në një tigan me vaj ulliri. Më pas hedhim specat, hudhrën dhe më pas domatet e prera në kubik të vegjël. Rregullojmë kripën. Kur këto të kenë marrë një kaurdisje të lehtë hedhim salcën dhe gjalpin, shtojmë bollgurin dhe ujin e nxehtë.
- Bollgur me perime e trazojmë dhe e lemë sa të shterojë ujin, por duke e trazuar herë pas here. Zjarri duhet të jetë në minimum. Në këtë mënyrë bollguri nuk ngjitet.
- Bollgur me perime është gati, kur e shërbejmë i hedhim majdanoz të prerë hollë.
Receta të tjera me bollgur që ju këshillojmë janë këto qofte bollgur ose pse jo edhe bollgur me çokollatë.
Ju bëftë mirë nga Artigatimit!
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!