Garnitura, Receta Vegjetarjane
Shkruaj një koment

Tavë me patate në furrë

Përgatitja: 15 min - Pjekja: 30 min - Sasia: 4 Persona
Tavë me patate ka bëhet shumë e shijshme në qoftëse përgatitet në saç, megjithatë edhe në furrë bëhet shume e mirë. Për të përgatitur këtë recetë mund të përdoren edhe patate të reja.

Tavë me patate në furrë

Përbërësit

  • 1 kg patate
  • 3 kokrra qepë
  • 3 kokrra domate të pjekura mirë
  • 3 thelpinjë hudhër
  • vaj ulliri
  • kripë
  • rigon
  • piper
  • majdanoz

Përgatitja

  • Për të përgatitur tavë me patate në furrë duhet të zgjedhim produktet sa më të freskëta dhe biologjik.
  • Pastrojmë qepët, patatet, hudhrat, domatet dhe i lajmë në ujë të rrjedhshëm. Në fillim presim patatet në formë rrethore dhe më pas i shpëlajmë përsëri në ujë. Patatet më pas i vendosim në një tavë të lyer me vaj ulliri. Sipër patateve hedhim pak kripë, hudhrat dhe qepët e prera po rrethore. Më pas të gjithë masën e tavës do ta mbulojmë me domate të prera edhe këto rrethore.
  • I spërkatim me vaj ulliri dhe rigon si dhe pak kripë. Në fund i hedhim pak lëng perime, jo shumë sepse lëshojnë lëng domatet. Në mungesë të domateve i hedhim pak salcë të tretur në lëngun e perimeve. Tavën me patate pjekim në furrë të nxehur për 30 minuta në temperaturën 220 gradë.
  • Tava me patate duhet të dali e thatë nga furra dhe kur ta shërbejmë sipër hedhim majdanoz të freskët.

Notes

Përgatitja e tavës me patate

Ju rekomandojmë të lexoni recetat për tortë patate ne furrë edhe musaka me patate.

Ju bëftë mirë!

Na ndiqni në Instagram @ArtiGatimit dhe vendosni tag #artigatimit recetat që gatuani!

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente