Tahini është një përbërje e kuzhinës mesdhetare dhe asaj të lindjes së mesme. Tahini përdoret si bazë për receta të ndryshme apo dhe për dekor të pjatës. Ka një shije karakteristike ku dominon fara e susamit i cili është dhe përbërësi kryesor.
Si të përgatitim Tahini
Sasia: 3 persona
Kalori: 120kcal
Përbërësit
- 200 gram susam
- 2 lugë gjelle vaj ulliri
Përgatitja
- Në fillim nxehim tiganin, hedhim susamin dhe i trazojmë për gati 7-8 minuta në zjarr të ngadalshëm.
- Duhet të kemi parasysh që farat e susamit të marrin ngjyrë të verdhë, jo të errët.
- Më pas susamin e pjekur e hedhim në mikser kuzhine. E grijmë për gati dy minuta dhe më pas hedhim vajin e ullirit.
- Vazhdojmë ta grijmë në mikser duke e trazuar me një lugë për të kaluar poshtë edhe ato fara që nuk janë bluar akoma.
- Përbërja duhet të dali një masë e trashë e plotë. E hedhim në vazo dhe e ruajmë në frigorifer.
- Tahini përdoret sipas nevojave. Abonohuni në njoftimet e faqes tonë, së shpejti do të publikojmë shumë receta ku përdoret.
- Tahini është shumë e mirë edhe për të lyer në mëngjes bukën me mjaltë.
Lexo gjithashtu Biskota me Tahini, Receta per Hummus.
2 comments
Jeni me te miret
Shumë faleminderit Sofika