Receta Bazë
Leave a comment

Bukë me arra përgatitur në shtëpi

Një recetë si mund të përgatisni bukë me arra në shtëpi. Përgatitja e bukës në shtëpi në këtë periudhe mund të jetë shumë e nevojshme dhe për faktin se të dalim nga shtëpia krijon rrezik për shëndetin. Përgatitja e kësaj recete është shumë e thjeshtë por duhet të bëni kujdes në kohët e ardhjes së brumit.

Bukë me arra

Prep Time30 mins
Cook Time30 mins
Resting2 hrs 30 mins
Total Time3 hrs 30 mins
Course: Bread
Cuisine: Albanian
Keyword: buke
Sasia: 8 persona
Kalori: 260kcal

Përbërësit

  • 200 gr miell 00
  • 200 gr miell semola
  • 200 ml ujë
  • 100 ml qumësht
  • 2 lugë gjellë vaj ulliri
  • 1 lugë çaji sheqer ose mjaltë
  • 15 gr maja birre për fryrje
  • 1 lugë çaji kripë
  • 150 gr arra të qëruara

Përgatitja

  • Për të përgatitur Bukë me arra, fillojmë duke ngrohur pak ujin.
  • Në një enë qelqi hedhim gjysmën e ujit të vakët, maja, dy lugë miell gr miell 00, sheqer ose mjaltë dhe e trazojmë me anë të një luge. E përziejmë mirë dhe e mbulojmë me një kapak dhe e vendosim në furrë të vakët për 30 minuta.
  • Marrim masën e formuar dhe e hedhim në një enë më të madhe. Shtojmë pjesën e ujit të mbetur, qumështin, vajin e ullirit, miellin e mbetur, kripën dhe i përziejmë mirë masat në enë. Më pas brumin e vendosim mbi banak duke e spërkatur me miell dhe e punojmë me dorë për gati 10 minuta.
  • Pasi e kemi punuar brumin hedhim arrat dhe e punojmë edhe pak sa të shpërndahen arrat në të gjithë masën e brumit. Brumin e bëjmë top e vendosim në enë, e mbulojmë dhe e vendosim në furrë pak të ngrohur për 30 minuta.
  • Më pas brumin e vendosim përsëri mbi banak e punojmë shumë pak për gati 2 minuta dhe e lemë të pushojë, në furrë. Kjo gjë përsëritet 3 herë.
  • Herën e fundit brumin e vendosim në tavën e pjekjes. Këtë herë e lemë të pushojë për gati 2 orë.
  • Më pas bukën me arra e pjekim në furrë të nxehur në 200 gradë për 30 minuta. Bukën e lemë dhe 20 minuta në furrë të fikur. (Nëse bukën e duam kërce sipwr në furrë vendosim një enë me ujë të nxehtë).
  • Buka me arra është gati. E presim në feta dhe e shërbejmë të ngrohtë.

Receta për bukë integrale, buke e thjeshtë ose shkopinje bukë.

Ju bëftë mirë nga Artigatimit.com

Na ndiqni në Instagram @ArtiGatimit dhe vendosni tag #artigatimit recetat që gatuani!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating





Komento nga Facebook!

Enter your comment - Comments