Bukë integrale e shëndetshme e përgatitur në shtëpi

Bukë integrale e përgatitur në shtëpi është shumë e shijshme sidomos aroma e saj kur e nxjerrim nga furra. Për përgatitjen e bukës në shtëpi duhet pak kohë e gjatë që brumi të pushojë por procesi është shumë i thjeshtë. Për ngjeshjen e brumit mund të përdorni edhe një makineri por duhet të bëni kujdes kohët e ardhjes së brumit.

Bukë integrale

Prep Time30 mins
Cook Time40 mins
Resting1 hr 20 mins
Total Time2 hrs 30 mins
Course: Bread
Cuisine: Global
Keyword: buke
Sasia: 6 persona
Kalori: 250kcal

Përbërësit

  • 180 gr miell integral
  • 215 gr miell 00
  • 285 ml ujë
  • 15 gr mjaltë
  • 10 gr maja buke e thatë
  • 9 gr kripë

Përgatitja

Hapi i parë

  • Zakonisht brumin për buke integrale e përgatisim kohë më parë. Si fillim hedhim ujin e vakët në një enë dhe tretim majanë e bukës, duke shtuar edhe mjaltin. Pasi ka shkrirë komplet maja e bukës hedhim dy llojet e miellit që i kemi bashkuar. Hedhim miellin pjesë pjesë në ujë duke i përzier me anë të një luge ose në makineri buke.
  • Pasi kemi hedhur më shumë se gjysmën e miellit dhe e kemi trazuar brumin për 5-6 minuta, hedhim kripën. Vazhdojmë të hedhim të gjithë miellin duke e trazuar mirë në enë, për gati 10-12 minuta.
  • Spërkatim tavolinën e punës me miell transferojmë brumin që përgatitëm në enë. E punojmë lehtë me dorë për 5 minuta.
  • Më pas vendosim brumin në një enë të lyer me vaj, e mbulojmë dhe e vendosim në furrë të ngrohur 20-25 gradë për 45-60 minuta ose derisa të dyfishohet vëllimi i brumit.

Hapi i dytë

  • Pasi brumi për bukë integrale është fryrë, e kthejmë brumin në tavolinën e punës të spërkatur me pak miell. E hapim rrethore i bëjmë 4 palosje dhe e vendosim përsëri në enën e mbuluar. E vendosim enën përsëri në furrën e fikur për 15 minuta.

Hapi i tretë

  • E kthejmë përsëri brumin në tavolinën e punës, i lyejmë duart me miell dhe i japim bukës formën që duam. I bëjmë një prerje të lehtë kryq ose katror. Nëse e duam me fara susami e spërkatim me ujë që të qëndrojnë farat.
  • E vendosim brumin për bukë integrale në tavën e pjekjes të cilën e kemi lyer me pak vaj ulliri dhe e lemë që të vijë brumi për 45-60 minuta.

Pjekja e bukës integrale

  • Bukën e pjekim 12 minuta në furrë të para ngrohur 250° dhe 20 minuta 220°. Bukën e lemë në furrë dhe 30 minuta pas fikjes së sobës. Nëse bukën e duam kërce sipër në furrë vendosim një enë me ujë të ngrohtë gjatë pjekjes.

Mund tu interesojnë dhe këto receta Bukë bërë vet në shtëpi, buke me miell geshtenje apo buke me miell misri.

Ju bëftë mirë!

38 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Si të përgatisim gjalpë në shtëpi

Dhe pse ndonjëherë kemi menduar se të përgatisim gjalpë në shtëpi mund të jetë e vështirë sot po shikojmë pikërisht këtë proces. Për të realizuar me sukses këtë procedure duhet përdorur qumësht fshati me yndyrë sa më të lartë.

Heqja e kockës te pula

Mishi i pulës pëlqehet pothuajse nga të gjithë. Mund ta përgatisim në mënyra nga më të ndryshmet. Një nga këto mënyra është edhe role e pulës, por për të bërë këtë na duhet të ndajmë në fillim kockën nga mishi.

Si të pastrojmë angjinaren

Angjinarja është një perim i pasur me fibra që ndihmon në uljen e kolesterolit. Ka pak kalori. Me të mund të përgatisim pjatanca të ndryshme. Pastrimi i angjinares, në të kundërt të asaj që mund të mendohet, është një përgatitje e thjeshtë. Me pak kohë e durim do të arrini në një përfundim të kënaqshëm.

Receta Bazë për Krepa

Krep ose siç i thonë francezet crêpe janë flet të holla brumi, të pjekura mbi një piastër te nxehtë. Ato mund të shërbehen me mbushje të ndryshme të ëmbla (si Nutella, mjalt ose reçel) apo dhe të kripura (djathë, proshute ose perime)