Ullinj

Kjo është periudha ideale për të bërë ullinjtë. Nëse ju pëlqejnë ullinjtë e nuk dini si ti përgatisni, ne kemi sjellë një recetë të shpejtë. Zakonisht në Shqipëri përdoret hiri i zjarrit për të hequr hidhërimën e ullirit, por në pamundësi të saj ne kemi përdorur kripën.

Ullinj

Përbërësit

  • 5 kg ullinj
  • 2 kg kripë kokërrmadhe
  • 2 l vaj ulliri
  • 1 l vaj luledielli

Përgatitja

  • Marrim ullinjtë dhe fillojmë ti shtypim një e nga një. Pasi i kemi shtypur të gjithë fillojmë ti vendosim në vazo qelqi. Hedhim një shtresë ullinj, i mbulojmë me kripë e vazhdojmë në këtë mënyrë derisa ti kemi mbaruar të gjithë ullinjtë. Shtresa e fundit duhet të jetë me kripë. E mbulojmë vazon me kapak. Duhet të kemi kujdes që ti trazojmë ullinjtë dy herë në ditë. Vendosim një dorashkë dhe i trazojmë me dorë ullinjtë.
  • Pasi ka kaluar rreth një javë marrim ullinjtë dhe i hedhim në një kullonjëse, i shpëlajmë me ujë e më pas i vendosim përsëri në vazo duke i hedhur kripë. I lemë përreth 4- 5 ditë me kripë përsëri.
  • Më pas i shpëlajmë me ujë që të iki kripa dhe i lemë në ujë për një natë.
  • Më pas i kullojmë ullinjtë nga uji dhe i hedhim në vazo. Shtojmë vajin dhe i mbulojmë komplet me vaj. Mbyllim vazon me kapak.
  • Ullinjtë në këtë mënyrë i lemë në dollap, larg rrezeve të drejtëpërdrejta të diellit dhe larg nxehtësisë së lartë.
  • Ullinjtë janë gati për tu shërbyer. I hedhim në pjatë, i shtojmë rigon e copa limoni sipas dëshirës. Janë shumë të shijshëm gjatë periudhës së dimrit, të shoqëruar me një copë buke të thekur e pak djathë të bardhë.

Notes

Përgatitja e Ullinjëve

Ju bëftë mirë!

0 Shares
2 comments
    1. Iliri vaji i lulediellit bashkohet me vajin e ullirit e sherbejne per te ruajtur ullinjte qe te rrojne me shume. po te duash mund te perdoresh vetem vaj ulliri.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Si të përgatitim Tahini

Tahini është një përbërje e kuzhinës mesdhetare dhe asaj të lindjes së mesme. Tahini përdoret si bazë për receta të ndryshme apo dhe për dekor të pjatës. Ka një shije karakteristike ku dominon fara e susamit i cili është dhe përbërësi kryesor.

Si të përgatisim gjalpë në shtëpi

Dhe pse ndonjëherë kemi menduar se të përgatisim gjalpë në shtëpi mund të jetë e vështirë sot po shikojmë pikërisht këtë proces. Për të realizuar me sukses këtë procedure duhet përdorur qumësht fshati me yndyrë sa më të lartë.

Si të pastrojmë angjinaren

Angjinarja është një perim i pasur me fibra që ndihmon në uljen e kolesterolit. Ka pak kalori. Me të mund të përgatisim pjatanca të ndryshme. Pastrimi i angjinares, në të kundërt të asaj që mund të mendohet, është një përgatitje e thjeshtë. Me pak kohë e durim do të arrini në një përfundim të kënaqshëm.

Panine me ullinj

Paninet me ullinj janë një alternative e shijshme e bukës normale. Mund ti shërbejmë për të shoqëruar antipasta me sallamra, proshutë e djathëra të ndryshëm.

Salcë pesto gjenoveze

Salca e quajtur pesto gjenoveze e ka origjinën pikërisht në Genova të Italisë. Kjo është një salcë mjaft e njohur jo vetëm në Itali, por edhe në mbarë botën. Në bazë të kësaj recete janë borziloku i freskët e fistikët.