Petë filo për bakllava dhe byrek të shpejtë

Petë filo janë petë të holla që mund të përdoren për ëmbëlsira të ndryshme apo dhe për byrëk. Këto petë mund të duken të vështira, por mënyra dhe teknika që po ju tregojmë e bën procesin fare të thjeshtë. Për përgatitjen e petë filo, kemi dhe një video që mund ta ndiqni në kanalin tonë në YouTube.

Petë filo

Prep Time30 mins
Resting30 mins
Total Time1 hr
Course: Bread
Cuisine: Albanian
Keyword: byrek, embelsire
Sasia: 6 persona
Kalori: 230kcal

Video

Përbërësit

Për brumin

  • 280 gr miell i fortë
  • 175 ml qumësht i vakët
  • 80 gr gjalp i shkrirë
  • 5 ml lëng limoni
  • 1/2 luge vogël fryrës për ëmbëlsira
  • pak kripë

Për të holluar petët

  • 130 gr niseshte
  • 40 gr miell

Përgatitja

  • Petë filo mund ti përgatisim në robot kuzhine ose të punojmë brumin me duar. Bashkojmë fryrësin për ëmbëlsira me miellin dhe i trazojmë. Në enën shtojmë qumështin, gjalpin,lëngun e limonit, kripën dhe i përziejmë me robot kuzhine për 5 minuta. Siç e thamë nëse nuk kemi makineri e punojmë me dorë në tavolinën e punës për gati 10 minuta.
  • Brumin e lemë të pushojë për 30 minuta të mbuluar me një pecetë kuzhine. Pasi brumi ka pushuar e vendosim brumin në tavolinën e punës dhe e ndajmë në 4 pjesë të barabarta dhe çdo pjesë e bëjmë role.
  • Rolen e ndajmë në 5 pjesë duke i bërë toptha me dorë. Përziejmë niseshtenë dhe miellin që kemi për hapjen e petëve. Topthat i spërkatim me niseshtenë e përzier i hapim një nga një me diametër 15-20 cm me anë të okllahisë.
  • Petët a vogla i spërkatim me niseshte dhe i vendosim mbi njëra tjetrën. Tashmë i hollojmë petët të bashkuara sa të shikojmë që ato janë bërë petë të holla.
  • Për këtë mund të vendosim një gazete nga poshtë një pete filo dhe të lexojmë shkronjat. Këto lloj pete filo mund ti përdorim edhe për byrek.

Receta per brumin e shkrifet flora – sfoglia, brumi i byrekut.

Ju bëftë mirë nga Artigatimit

60 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Si të përgatitim Tahini

Tahini është një përbërje e kuzhinës mesdhetare dhe asaj të lindjes së mesme. Tahini përdoret si bazë për receta të ndryshme apo dhe për dekor të pjatës. Ka një shije karakteristike ku dominon fara e susamit i cili është dhe përbërësi kryesor.

Kos i Bardhë

Fermentimi i qumështit mund të jetë një nga teknikat më të vjetra. Shume amvisa e kanë lëne bërjen e kosit ne shtëpi me futjen në masë të produkteve bulmetit në treg.

Si të pastrojmë angjinaren

Angjinarja është një perim i pasur me fibra që ndihmon në uljen e kolesterolit. Ka pak kalori. Me të mund të përgatisim pjatanca të ndryshme. Pastrimi i angjinares, në të kundërt të asaj që mund të mendohet, është një përgatitje e thjeshtë. Me pak kohë e durim do të arrini në një përfundim të kënaqshëm.

Krem gjalpi

Kremi i gjalpit është shumë i përdorur në pastiçeri. Ky lloj kremi përdoret për të mbushur torta të ndryshme, ëmbëlsira të vogla siç janë cupcake ose ato pastat e vogla që ishin shumë të përhapura në Shqipëri përpara shumë vitesh.

Panine me qumësht

Paninet e përgatitura me qumësht kanë një shije të veçantë, janë të buta e pëlqehen nga të gjithë sidomos nga fëmijët. Me masat që kemi dhënë mund të përgatisni panine si në rastin tonë, ose mund të bëni forma të ndryshme buke si gërshet ose një formë të vetme.