Sekreti i brumit të byrekut

Përgatitja e brumit të byrekut është e thjeshtë, por duhet të kemi parasysh disa faktorë të rëndësishëm. Elasticiteti i brumit të byrekut varet shumë nga mielli dhe mënyra si e punojmë. Kemi përmbledhur disa pika si të gatuajmë brumit të byrekut në mënyrë perfekt.

Receta për brum byreku

Prep Time20 mins
Resting40 mins
Total Time1 hr
Course: Bread
Cuisine: Albanian
Keyword: byrek
Sasia: 6 persona
Kalori: 280kcal

Përbërësit

  • 500 gr miell i fortë
  • 250 ml ujë të vakët
  • 10 gr kripë
  • 2 lugë gjelle vaj ulliri

Përgatitja

  • Sekreti i brumit të byrekut është sigurisht tek mielli. Tek përbërësit kemi theksuar se mielli duhet të jetë i fortë. Me miell të fortë apo tip 500 nënkuptohet mielli i grurit që përmban shumë gluten. Ky faktor i jep brumit elasticitet dhe butësi. Ideale për të përgatitur edhe buke shtëpie.
  • Përpara se të përgatitim brumin e byrekut, mielli duhet situr. Një faktor tjetër ky për të përftuar një brumë byreku të butë. E hedhim miellin në një enë qelqi pasi nuk këshillohet plastike, e hapim në mes shtojmë kripën, ujin, vajin dhe e përziejmë derisa masat të bashkohen.
  • Më pas brumin e vendosim në tavolinën e punës dhe e punojmë për gati 10 minuta. Brumin duhet ta ngjeshim mirë që të zhvillohet gluten. Brumin e vendosim përsëri në enën e qelqit,e mbulojmë me një pecetë dhe e lemë të pushojë për 10 minuta.
  • Pas pushimit brumin e ndajmë në toptha me madhësi sa dëshirojmë që ti bëjmë petët. Topthat i rreshtojmë në një tavë të lyer me pak vaj. Edhe sipër topthat e brumit i lyejmë me pak vaj me anë të furçës. Sipër i mbulojmë me qeskë kuzhine. Në këtë formë brumin e lemë të pushojë edhe 30 minuta.
  • Topthat e brumit të byrekut janë gati për ti holluar me okllai. Kur të hollojmë petët i spërkatim me pak niseshte.
  • Gatim të mbarë, nëse dëshironi të lexoni përgatitjet e byrekut që kemi përgatitur, shfletoni në faqen tonë.

Lexoni recetën për byrek me domate, byrek me spinaq apo byrek me mish.

Ju bëftë mirë!

63 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Pogaça – Panine për mëngjes

Pogaça janë panine të mbushura që përgatiten për mëngjes. Kjo është një recetë shumë e përhapur në vendet ballkanike dhe Turqi. Mbushja mund të varjoj në disa receta, por shija e këtyre panineve për mëngjes është e veçantë dhe unike

Petulla me maja – Coccoli

Petulla me maja apo siç njihen në zonën e toskanës nga vjen kjo recetë coccoli janë petulla të thjeshta me pak përbërës por shumë të shijshme. Shoqëruar me feta proshutë të holla këto petulla me maja nuk kanë as nevojë për kripë.

Receta për Piadina

Piadina është një lloj buke e holle,( më mirë të themi pite e hollë), e cila e ka origjinën nga Romagna. Kjo lloj pite është e njohur kudo dhe pëlqehet nga të gjithë. Zakonisht mbushet me djathë dhe paloset ne mes, por gjithsecili mund ta mbushë me përbërësit që dëshiron si proshutë, sallatë,domate e perime të tjera. Mund te hahet ne formën e një sanduiçi.