Lakra turshi është pjesë e kuzhinës shqiptare për stinën e dimrit. Lakra turshi është një ushqim që fal përmbajtjes së saj ka një rol të rëndësishëm në ruajtjen e ekujlibrit biolgjik të organizmit. Ajo parqet një thesar të vërtetë të vitaminave. Ne do të japim recetën për përgatitjen e turshisë në mënyrë shumë të shpejtë.
Lakra turshi – Receta Gatimi
Sasia: 4 vazo
Kalori: 160kcal
Përbërësit
- 1 kg lakër e bardhë
- 1 lugë gjelle kripë
Përgatitja
- Lakrën e pastrojmë dhe e presim në fije të gjata të holla.
- Në një enë qelqi fillojmë të hedhim lakrën pjesë-pjesë duke e spërkatur vazhdimisht me kripë.
- E mbulojmë dhe e lemë të pushojë për gati një orë. Do të shikojmë që volumi i lakrës ka rënë.
- Marrim një enë tjetër dhe hedhim në të, çerekun e masës dhe e shtypim nga sipër me bishtin e lugës së drurit. Kështu vazhdojmë sa të mbarojë e gjithë lakra.
- Gjatë kësaj kohe, lakra ka lëshuar ujin e vet.
- Masën e lakrës me gjithë ujin e hedhim në vazo. Sipër lakrës që është në vazo i vemë një peshë që lakra të fundoset dhe uji i vet të dali lartë.
- E mbyllim vazon me kapak dhe për tre ditë turshia është gati për tu përdorur.
- Vazot me lakra turshi mund ti ruajmë në një vënd të errët dhe larg nga lagështia. Pasi të kemi hapur vazot me lakra turshi, duhet ti konsumojmë një një kohë të shkurtër.
- Kjo recetë gatimi, është ideale për të shoqëruar fasule ose receta të tjera të kuzhinës shqiptare.
Ju bëftë mirë nga Arti Gatimi
2 comments
Pershendetje, desha te dije se kush eshte menyra me e mire e shellires? Me uje te ftohte apo te valuar?
Përshëndetje Brunilda,
Kur hidhet duhet të jetë i ftohtë!