Ëmbëlsirë me qumësht dhe mollë

Ëmbëlsirë me qumësht dhe mollë është një tortë ideale për mëngjes, e cila qëndron e butë dhe aromatike. Përgatitja e kësaj ëmbëlsire është shumë e thjeshtë dhe e shpejtë, vetëm ndiqni këto hapa dhe përdorni mollë biologjike.

Ëmbëlsirë me qumësht dhe mollë

Prep Time35 mins
Cook Time40 mins
Total Time1 hr 15 mins
Course: Breakfast, Dessert
Cuisine: Global
Keyword: embelsire
Sasia: 10 persona
Kalori: 250kcal

Përbërësit

  • 300 gr miell
  • 3 kokrra mollë
  • 250 gr sheqer
  • 3 kokrra vezë
  • 70 gr gjalpë
  • 200 ml qumësht
  • 16 gr fryrës për ëmbëlsira
  • 1 kokërr limon

Përgatitja

  • Për të përgatitur këtë ëmbëlsirë me qumësht dhe mollë, fillojmë duke larë mollët pasi do ti përdorim pa qëruar dhe i presim në feta. Disa pjesë të mollës i presim në kubik të vegjël.
  • Vendosim fetat e mollës në një enë duke i hedhur sheqer sipër dhe shtrydhur lëngun e 1 limoni.
  • Në një enë hedhim të verdhat e vezëve se bashku me sheqerin. I rrahim derisa të arrijmë një masë të bardhë dhe me shkumë. Ndërsa të bardhat e vezëve i rrahim në një enë tjetër dhe e ruajmë masën në frigorifer.
  • Tek të verdhat e vezëve shtojmë miellin e situr më parë, gjalpin e shkrirë por të ftohtë edhe qumështin. I trazojmë më kujdes që të mos bjeri masa e brumit. Shtojmë në brendësi kubik molle dhe e trazojmë masën për ëmbëlsirë me qumësht. Shtojmë edhe fryrësin për ëmbëlsira se bashku me të bardhat e vezëve të rrahura më parë. Trazojmë mirë më kujdes të gjithë masën nga poshtë lartë.
  • Hedhim masën e përgatitur në një enë të lyer me pak gjalpë dhe miell. Diametri enës është i mjaftueshëm tek 24 cm.
  • Sipër vendosim pjesët e tjera të mollës duke i renditur sipas dëshirës.
  • Ëmbëlsirë me qumësht dhe mollë e pjekim në temperaturën 180 °C për të paktën 40 minuta. Përpara se ta heqim duhet të bëjmë provën me shkop nëse është pjekur.

Receta te tjera me molle: Petulla me molle, ëmbëlsirë me mollë, kek me molle.

Ju bëftë mirë!

229 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Receta për Karamel

Kjo salcë karameli është shumë e mirë dhe mund ta përdorim mbi akullore, mbi torta e ëmbëlsira të ndryshme. Ka disa receta për përgatitjen e salcës së karamelit, por receta e mëposhtme na kënaqi më shumë me rezultatin e arritur.

Krem gjalpi

Kremi i gjalpit është shumë i përdorur në pastiçeri. Ky lloj kremi përdoret për të mbushur torta të ndryshme, ëmbëlsira të vogla siç janë cupcake ose ato pastat e vogla që ishin shumë të përhapura në Shqipëri përpara shumë vitesh.

Kek i thjeshtë

Këtë recetë për kek e ka dërguar një admiruese faqes ArtiGatimit dhe që e falënderojmë pa masë. Nisur nga titulli, kek i thjeshte, mund të përgatitet në një kohë të shkurtër dhe rezultati është mahnitës. Ja se çfarë na duhen.

Luleshtrydhe me akullore

Luleshtrydhja është një frut i pasur me vitamina C, A, B1, B2 etj. Këtë lloj fruti, shumë i shijshëm, me një formë të bukur, profum i këndshëm dhe shije fantastike, përveçse mund ta konsumojmë të freskët, mund ta përdorim në shumë ëmbëlsira. Ne kemi zgjedhur një recetë shumë të thjeshtë për tu përgatitur dhe me pak përbërës.