Embëlsira
Komente nga Fb - Shkruaj një koment

Ëmbëlsirë me mollë – Recete e shpejte me video

Përgatitja: 20 min - Pjekja: 40 min - Sasia: 6 persona Persona

Ëmbëlsirë me mollë është një tortë e butë dhe e shijshme që mund të përgatitet shumë shpejt. E përkryer për në mëngjes apo pasditeve të pranverës. Ndiqni udhëzimet hap pas hapi si të gatuajmë një ëmbëlsirë me mollë, aromatike dhe të butë.

Përbërësit për Ëmbëlsirë me mollë – Recete e shpejte me video


  • 700 gr mollë

  • 300 gr miell

  • 150 ml qumësht

  • 250 sheqer

  • 3 kokrra veze

  • 70 gr gjalpë

  • 5 gr kanellë pluhur

  • 5 gr maja për ëmbëlsira

  • 1 limon biologjik

  • pak gjalpë

  • sheqer pluhur

Video Receta

Përgatitja recetës ëmbëlsirë me mollë

Fillojmë duke qëruar mollët dhe i presim ne rripa. Mollët e qëruara i hedhim në një enë dhe i spërkasim me lëngun e gjysmë limoni. Në këtë mënyre fetat e mollës nuk do te nxihen. Hedhim sipër edhe pak kanellë pluhur.
Vazhdojmë me përgatitjen e brumit për ëmbëlsire me mollë. Fillimisht ndajmë të bardhat e vezëve nga të verdhat. Fillojmë të rrahim të bardhat me rrahësin e vezëve ose rrahës elektrik derisa te bëhen shkumë e bardhë.

Me pas kalojmë tek te verdhat, bashkojmë sheqerin dhe i rrahim për disa minuta. Me pas hedhim gjalpin dhe i rrahim përsëri. Ne ene shtojmë edhe qumështin duke trazuar masën.
Është koha të shtojmë miellin e situr. E hedhim pjesë, pjesë në masën me vezë dhe e trazojmë vazhdimisht.
Ne fund, masës se përftuar i hedhim edhe vezët e bardha të rrahura më parë. E trazojmë më kujdes nga poshtë larte masën e brumit.
Në një tavë për ëmbëlsira ku kemi shtruar letër kuzhine edhe bordin lyer me gjalpë, hedhim gjysmën e masës së brumit. Sipër shtrojmë gjysmat e mollëve me kujdes duke mbuluar të gjithë sipërfaqen. Shtojmë pjesën e ngelur të brumit. Sipër vendosim përsëri pjesën tjetër të mollëve.

Ëmbëlsirës më mollë i shtojmë sipër edhe pak gjalpë. Ëmbëlsira është gati për tu pjekur.
E vendosim në furrë të nxehur paraprakisht ne temperaturën 180°C dhe e lemë te piqet për rreth 40 minuta. Koha e pjekjes varet nga intensiteti furrës, gjithsesi përpara se ta heqim, bëjmë provën nëse është pjekur.
Ëmbëlsirën me molle e lemë të ftohet dhe e presin në feta. Ëmbëlsirën e shërbejmë me pak sheqer pluhur sipër dhe ndonjë lugë akullore anash.

Ju bëftë mirë!

Mos harroni ta shpërndani këtë recetë në rrjetet sociale për miqtë tuaj!

Receta Gatimi

Shkruani komentin tuaj - Komente