Biskota të mbushura me mollë

Këto biskota të mbushura me mollë janë ëmbëlsira shumë të shijshme dhe të thjeshta për tu përgatitur. Kombinimin mund ta bëni edhe me reçel të ndryshëm, por mbushja me mollë dhe kanellë i jep një arome të veçante.

Biskota të mbushura me mollë

Prep Time30 mins
Cook Time20 mins
Total Time50 mins
Course: Snack
Cuisine: Albanian
Keyword: embelsire
Sasia: 6 persona
Kalori: 180kcal

Përbërësit

Përbërësit për brumin

  • 250 gr miell
  • 1 kokërr vezë
  • 100 gr sheqer
  • 80 gr gjalpë i shkrirë
  • 50 ml qumësht
  • 1 lugë çaji maja për ëmbëlsira
  • pak kripë

Përbërësit për mbushjen

  • 2 kokrra mollë
  • 2 lugë gjelle sheqer kaf
  • 2 lugë gjelle rrush të thatë
  • 1 lugë gjelle fara pishe
  • 1 lugë gjelle lëng limoni
  • 1 lugë çaji kanellë

Përgatitja

  • Në fillim përgatitim brumin. Në një enë hedhim vezën sheqerin, qumështin, e më pas gjalpin e shkrirë, duke i trazuar sa të tretet sheqeri. Hedhim përbërësit e thatë dhe i trazojmë me dorë. Brumin e punojmë për 5-6 minuta dhe e lemë të pushojë i mbështjellë me qeskë kuzhine, për rreth 20 minuta.
  • Ndërkohë merremi me përgatitjen e mbushjes. Qërojmë mollët, i presim në kubik dhe i hedhim në një enë. Shtojmë në të sheqerin, lëngun e limonit i trazojmë përbërësit dhe i vendosim në zjarr të ngadalshëm për 10 minuta. Në fund hedhim kanellën, rrushin e thatë, farat e pishës dhe e heqim nga zjarri.
  • Marrim brumin e ndajmë në dy pjesë. Secilën pjesë e hapim mbi një letër kuzhine, në formë pete në mënyrë të barabartë.
  • Në njërën petë vendosim nga një lugë mbushje, në largësi sipas formës që kemi siç tregohet ne imazhet e ilustruara.
  • Sipër vendosim petën tjetër duke mbuluar gjithë hapësirën e petës poshtë.
  • I presim biskotat me formën dhe i rregullojmë anash të mos na dali mbushja. Pjesa e brumit që na del nga prerja e biskotave e bëjmë përsëri petë dhe e mbushim.
  • Biskotat e mbushura me mollë i vendosim në një tavë me letër kuzhine. Tava futet në furrë të para ngrohur në temperaturën 180 °C për rreth 15 minuta.

Më në fund këto biskota të mbushura me mollë super të shijshme janë gati.

Lexo recetën për biskota me limon ose biskota te buta.

Ju bëftë mirë nga Arti Gatimit!

365 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Biskota për fëmijë

Kjo recetë për biskota është shumë e mirë dhe mund ta përgatisni për tu konsumuar nga fëmijët në mëngjes ose pasdite. Ata i pëlqejnë ëmbëlsirat me gjalpë dhe këto biskota mund të kthehen ne të preferuat e tyre

Kadaif

Kadaif së bashku me bakllavanë janë ëmbëlsirat tipike për festat e fundvitit për gjithë shqiptarët. Ne e kemi përgatitur kadaifin në një mënyrë tjetër, duke i bërë rolè copat. Në këtë mënyrë prezantohet më bukur dhe është më i lehtë për tu shërbyer.

Reçel me Kajsi

Janë të shumta recetat për reçel në faqen e Arti Gatimit. Reçel me kajsi i shtohet kësaj liste. Për mëngjes kjo ëmbëlsirë do ju kapi ngarkesën e duhur për një ditë plot energji. Reçelin me kajsi mund ta përdorni edhe për përgatitjen e ëmbëlsira të ndryshe apo krostatave.

Tortë me dardhë

Torta me dardhë është një ëmbëlsirë që mund ta hamë në çdo moment, për mëngjes të shoqëruar me një gotë qumësht ose mbas dite me një filxhan çaji. Pëlqehet nga të gjithë, fëmijë e të rritur. Ka shumë receta për të gatuar këtë ëmbëlsirë. Ne sot kemi zgjedhur një recetë të thjeshtë e shumë të shpejtë.

Tiramisu Akullore

Tiramisu akullore është një ëmbëlsire ideale për stinën e verës. Në faqen tonë gjeni edhe recetën për tiramisu klasike edhe tiramisu me luleshtrydhe. Abonohuni në kanalin tonë në YouTube për tu njoftuar mbi recetat e reja.

Trilece

Trilece është një ëmbëlsirë shumë e mirë sidomos për fëmijët. KJo lloj ëmbëlsire është shumë e njohur në Amerikën Latine dhe thuhet që origjinën e ka pikërisht atje, nga merr edhe emrin 'tres leches', ( dmth. tre lloj qumështi). Trilece është një pandispanjë e lagur me qumësht dhe me karamel