Pengjire korçare – Një mrekulli e kuzhinës shqiptare

Pengjire është një ëmbëlsirë tradicionale korcare. Është një ëmbëlsirë me shumë pak përbërës dhe shumë e thjeshtë për tu përgatitur por shumë e shijshme. E përshtatshme për tu konsumuar pas një dreke me miqtë.

Pengjire korçare me sherbet e përgatitur në mënyre shumë të lehtë.

Pengjire

Prep Time20 mins
Cook Time40 mins
Total Time1 hr
Course: Dessert
Cuisine: Albanian
Keyword: embelsire
Sasia: 4 persona
Kalori: 270kcal

Përbërësit

Për pandispanjën:

  • 5 kokrra vezë
  • 150 gr sheqer
  • 150 ml vaj
  • 300 gr miell
  • 1 lugë gjelle lëng limoni
  • 1 pako fryrës për ëmbëlsira
  • 100 gr arra sipas dëshirës

Për sherbetin:

  • 350 gr sheqer
  • 600 ml ujë
  • 1 luge gjelle lëng limoni

Përgatitja

  • Për të pergatitur pengjire, në një enë qelqi hedhim të bardhat e vezëve dhe i rrahim me rrahësin elektrik derisa ato shkumohen plotësisht. Më pas hedhim të verdhat e vezëve dhe i trazojmë me një kujdes me një rrahës vezësh të thjeshtë.
  • Në masën e përgatitur hedhim sheqerin, vajin pjesë-pjesë dhe lëngun e limonit dhe e trazojmë derisa të bëhet një masë homogjene. Ndërkohë miellin e përziejmë me fryrësin e ëmbëlsirave dhe i hedhim të dyja bashkë për ti përzier plotësisht.
  • Sipas dëshirës mund të hedhim edhe arra dhe ti përzieni sërisht. Pasi kemi përgatitur përzierjen lyejmë tavën me pak vaj dhe hedhim masën të cilën e vendosim në furrë për 40 minuta në 170°C.
  • Ndërkohë për sherbetin hedhim në një enë sheqerin, ujin dhe i ziejmë për disa minuta. Në 5 minutat e fundit hedhim dhe lëngun e limonit.
  • Pasi piqet ëmbëlsira pengjire e presim në pjesë të vogla dhe i hedhim sherbetin të vakët dhe ëmbëlsira e ftohtë.
  • Pengjire është gati. Pasi është thithur sherbeti, e shërbejmë në pjata të vogla.

Lexoni gjithashtu receta për semolina, kek me dy ngjyra ose kek me mollë.

Ju bëftë mirë!

29 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Tortë për ditëlindje për fëmijë (Hello Kitty)

Kjo është një tortë speciale për raste ditëlindjesh për fëmijët e jo vetëm. Në rastin tonë e kemi zbukuruar sipër tortën me figurën e Hello Kitty por çdo njeri është i lirë të bëjë zbukurimin që i pëlqen më shumë. Në këtë recetë kemi një bazë pandispanje ose më mirë një tortë 'sfungjer' ( sponge cake) që është e mbushur me një krem çokollate. është me të vërtetë një tortë që ia vlen mundimi i përgatitjes. Miqtë tuaj do të ngelen patjetër shumë të kënaqur nga kjo ëmbëlsirë.

Ciambella me çokollatë

Ciambella me çokollatë është një ëmbëlsirë e shijshme dhe e thjeshtë për tu përgatitur. Kush pëlqen çokollatën duhet ta provoj patjetër edhe këtë ëmbëlsirë.

Crème caramel me video

Crème caramel është një nga ëmbëlsirat qe nuk mund ti rezistohet. Vetëm me 3 përbërës kryesor dhe duke ndjekur këshillat në videon që kemi publikuar në kanalin e ArtiGatimit ne Youtube do të përgatisni një recetë fantastike.

Krostat me krem limoni

Jo vetëm për dashamirësit e limonit, krostat me krem limoni ka një shije delikate dhe shume aromatike. Kjo ëmbëlsirë me krem mund të përgatitet me brumin frolla në pak minuta.