Kek me dy ngjyra lë të kuptosh se duhet të përgatisim dy brumëra të ndryshëm, por në fakt kombinimi i ngjyrave është vetëm në fund. Le të shikojmë së bashku përgatitjen e kësaj ëmbëlsire.
Kek me dy ngjyra
Sasia: 5 persona
Kalori: 240kcal
Përbërësit
- 4 kokrra vezë
- 250 gr miell
- 250 gr sheqer
- 150 ml qumësht
- 100 ml vaj ulliri
- 1 kokërr limon
- 1 pako fryrës për ëmbëlsira
- 2 lugë gjellë kakao
- esence vanilje
Përgatitja
- Përgatitja e kek me dy ngjyra është shumë e thjeshtë. Në një enë qelqi hedhim vezët, sheqerin dhe i përziejmë me rrahësin elektrik për 5 minuta.
- Vazhdojmë përzierjen duke shtuar qumështin, vajin, lëngun e limonit dhe esence vanilje sipas dëshirës. Nëse keni mundësi mund të përdorni dhe vanilje.
- Miellin dhe pluhurin për pjekje i bashkojmë, i sitim dhe e hedhim në enë duke vazhduar përzierjen.
- Pasi e shikojmë që janë bashkuar mirë të gjitha masat brumin e hedhim në një tavë të lyer me gjalpë, duke lënë në enë 1/4 e brumit. Në këtë pjesë të brumit hedhim kakaon e përziejmë mirë dhe e hedhim sipër tavës duke bërë disa zig-zag.
- Kekun me dy ngjyra e pjekim në furrë të nxehur në 180° për 25-30 minuta. Pas pjekjes kekun e lemë edhe 10 minuta në furrë për të kulluar mirë.
Notes
Përbërësit për tavë me diametër 30 cm
Kek me dy ngjyra është gati për mëngjes ose për zemër.
Lexoni gjithashtu recetat për kek me mandarina, kek me mollë ose kek me qumësht.
Ju bëftë mirë!
Na ndiqni në Instagram @ArtiGatimit dhe vendosni tag #artigatimit recetat që gatuani!
1 Comment
Komento nga Facebook!