Embëlsira
Komente nga Fb - Shkruaj një koment

Ëmbëlsira të ftohta me luleshtrydhe

Përgatitja: 20 min - Sasia: 6 Persona Persona

Periudha për ëmbëlsira të ftohta dhe sot kemi zgjedhur ti përgatisim me luleshtrydhe. Mjaftojnë disa orë në frigorifer dhe mund të shijojmë këto fruta shumë ndryshe.

Përbërësit për Ëmbëlsira të ftohta me luleshtrydhe


  • 600 gram luleshtrydhe

  • 100 gram sheqer

  • 200 mL panna e freskët

  • 12 gram xhelatinë

  • 50 mL pije limoncello

  • 1 lugë gjelle lëng limoni

Përgatitja e ëmbëlsirë me luleshtrydhe

Fillojmë duke pastruar mirë luleshtrydhet dhe duke i larë në ujë të rrjedhshëm. Luleshtrydhet së bashku me sheqerin i hedhim në një mikser kuzhine. Lëmë 100 gram luleshtrydhe mënjanë për në fund dhe dekorim. Duhet të marrim një masë në formë pure.

Ndërkohë vendosim xhelatinën në një gotë me ujë të ftohtë për 10 minuta. Në një enë të vogël nxehim pijen limomcello (liquore italian) dhe hedhim xhelatinën,të shtrydhur nga uji. Masën e trazojmë që të shkrijë mirë xhelatina. Xhelatinën e shkrirë e hedhim në purenë me luleshtrydhe.

Në një enë qelqi rrahim panën e freskët me ndihmën rrahësin elektrik ose me rrahësen e vezëve. E bashkojmë panën me purenë e luleshtrydheve dhe e trazojmë mirë me anë të një shpatulle që të bashkohen masat. Për produktin panna, mund të lexoni më shume duke klikuar sipër emrit tek përbërësit.

Masën e përzier e hedhim në forma duke shtuar edhe disa kubik luleshtrydhe. Format me ëmbëlsira me luleshtrydhe i futim në frigorifer për 2 orë.

Ndërkohë me pjesën tjetër të luleshtrydheve, të prera në kubik, i bashkojmë me pak sheqer dhe 1 lugë lëng limoni.

Ëmbëlsira të ftohta me luleshtrydhe mund të shërbehet duke hedhur sipër copëza luleshtrydhe dhe servirim menjëherë.

Ju bëftë mirë!

embelsire frohte luleshtrydhe

Receta Gatimi

Shkruani komentin tuaj - Komente