Biskotat janë ëmbëlsirat më të thjeshta për tu përgatitur. Këto biskota me dy ngjyra janë shumë te veçanta. Kakao e përdorur në recetën e këtyre ëmbëlsirave jep një kontrast të këndshëm.
Biskota me dy ngjyra
Përbërësit
- 200 gr sheqer pluhur
- 100 gr gjalpë
- 300 gr miell
- 50 gr kakao pluhur
- 2 vezë
- 1 lugë e vogël pluhur pjekës
- vanilje
Përgatitja
- Për këtë proces nevojitet një rrahëse elektrike. Nëse kemi robot kuzhine, mund të vendosim rrahësen e vezëve.
- Fillojmë duke rrahur vezët, sheqerin dhe gjalpin se bashku. Pas disa minutash i transferojmë në një enë. Miellin e sitim së bashku me pluhurin pjekës e vaniljen pluhur dhe i bashkojmë me masën. Në këtë proces i trazojmë me dorë produktet.
- E punojmë brumin për gati 7-8 minuta dhe e ndajmë në dy pjesë. Njërës pjesë i hedhim kakao dhe e punojmë përsëri. Brumin për biskota me dy ngjyra e mbledhim me qeska kuzhine dhe të dyja pjesët i lëmë të pushojnë për 20 minuta.
- Më pas brumin e ndajmë në toptha të vegjël duke formuar biskota me dy ngjyra në formë lule. Sigurisht mund të përdorni edhe fantazinë tuaj për forma të ndryshme.
- Biskotat i vendosim në një tavë me letër kuzhine ose të lyer me gjalpë dhe i pjekim në furrë të nxehur me temperaturë 180 gradë C për 15 minuta.
Na dërgoni fotot e biskotave qe keni gatuar. Përdorni hapësirën e komenteve qe gjendet ne fundin e faqes. Ju mire presim!
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!