Biskota napolitane janë shumë të shijshme dhe përgatiten zakonisht në periudhën e Pashkëve. Këto biskota janë të ngjashme me biskotat cantucci toskan.
Përbërësit për Biskota napolitane – Receta për festa
- 500 gr miell
- 4 kokërra vezë
- 1 e verdhë veze
- 380 gr sheqer
- 350 gr bajame
- 1 lugë e vogël mjaltë
- 1 lugë e vogël pluhur fryrje për ëmbëlsira
- 1 lugë e vogël maja buke
- vanilje
- kanellë
- arrë moskat
- lëkurë portokalli
kripë
Përgatitja
Në një enë hedhim miellin e situr të bashkuar me pluhurin për fryrjë, vaniljen nëse është pluhur dhe gjysmën e sheqerit. Në një enë të vogël tretim majanë në ujë së bashku me mjaltin.
E hapim miellin në mes dhe shtojmë vezët dhe pak kripë. Hedhim dhe majanë e shkrirë. Punojmë brumin dhe në vazhdimësi shtojmë edhe pjesën tjetër të sheqerit së bashku me lëkurën e portokallit, arrë moskat dhe pak kanellë.
E ngjeshim masën sa të bashkohen përbërësit dhe shtojmë bajamet të cilat i kemi kaluar pak në tigan. Brumin e ndajmë ne pjesë duke i bërë në formë roleje. Roletë i vendosim në tavë ku kemi shtruar letër kuzhine.
Sipër biskotat napolitane i lyejmë me të verdhë veze dhe i pjekim në furrë të parangrohur në 180°C për 20 minuta. I nxjerrim nga fura i presim në formë rombi dhe i vendosim përsëri në furrë për 10 minuta në temperaturën 160°C. I lënë të ftohen në brendësi të furrës. Biskotat napolitane janë gati.
Siç edhe cituam, kjo është një recete e ngjashme me biskota me bajame Cantuccini.