Pandispanja është baza e shumë ëmbëlsirave, si për shembull receta për trilece, shampite apo edhe receta per xupa. Një mënyre tepër e thjeshte për të shërbyer pandispsanjën është dhe sherbetosja e saj. Kjo është një recetë tradicionale e vjetër që dikur përgatitej nëpër dasma në zonën e Myzeqesë.
Pandispanjë e sherbetosur
Sasia: 6 persona
Kalori: 270kcal
Përbërësit
Përbërësit për pandispanjë
- 10 vezë
- 10 lugë gjelle miell
- 5 lugë gjelle heqer
- 5 gr gjalpë
Përbërësit për sherbetin
- 800 gr sheqer
- 600 ml uji
- 1 lugë gjelle lëng limoni
- 1 pako vanilje
Përgatitja
- Fillojmë duke hedhur vezët në një enë të thellë dhe i rrahim me rrahësin elektrik, për gati 15 minuta. Më pas shtojmë sheqerin dhe i rrahim dhe 5 minuta të tjera. Mund të përdorim dhe rrahësen e vezëve por koha e rrahjes është me zgjatur.
- Në fund hedhim miellin duke e situr dhe e përziejmë me anë të një shpatulle. Përzierjen e miellit duhet ta bëjmë ngadalë që masa të mos na ulet. Pasi e kemi përzier mirë, brumin e hedhim në një tavë të lyer me gjalpë dhe spërkatur me pak miell.
- Tavën e vendosim në furrë të parangrohur në 180°C për 20 minuta. Pasi të jetë pjekur pandispanja e lemë edhe 10 minuta në furrë të fikur, në ketë mënyrë pandispanja ka kohë të kullojë.
- Në një enë hedhim masën e sheqerit dhe e kaurdisim duke e trazuar shpesh sa të marri një ngjyrë të verdhë. Më pas hedhim masën e ujit dhe e lemë në zjarr të ngadalshëm edhe 5 minuta. Pasi të marri valë shtojmë edhe lëngun e limonit. Fikim zjarrin dhe hedhim vanilje.
- Pasi të jetë ftohur pandispanja e presim në format që dëshirojmë. Sherbetin e hedhim pak të ftohur, në temperaturë gati 80°C. Pandispanja shërbehet e ftohtë me pije të ndryshme.
Ju bëftë mirë!
