Kjo ëmbëlsirë është një krostatë e mbushur me nutella e gjizë. Shija e kësaj torte është fantastike dhe jam e sigurt që do t'ju pëlqejë edhe fëmijëve.
Tortë me çokokrem e gjizë
Përbërësit
Përbërësit për brumin
- 250 gr miell
- 2 të verdha veze
- 125 gr gjalpë
- 100 gr sheqer
Përbërësit për mbushjen
- 300 gr gjizë pa kripë
- 1 lugë sheqer
- 200 gr çokokrem/nutella
Përgatitja
- Si fillim përgatisim brumin.
- Shiko këtu përgatitjen e brumit me masën e përbërësve të mësipërm.
- Pasi e kemi përgatitur brumin dhe e kemi lënë në frigorifer të pushojë për disa minuta. Më pas e marrim dhe e hapim petë ( mos të harrojmë se duhet të lemë disa rripa për pjesën sipër), dhe e vendosim në një tavë me diametër rreth 26 cm të cilën e kemi lyer më parë me pak gjalpë dhe e kemi spërkatur me pak miell.
- Me një pirua e shpojmë petën nga sipër dhe i shtrojmë një shtresë nutella. Sipër i shtrojmë shtresën me gjizë të cilën e kemi përzier me parë me sheqerin. E nivelojmë mirë shtresën dhe e mbulojmë me rripa brumi sipas fantazisë dhe dëshirës.
- Vendosim ëmbëlsirën të piqet në furrë të nxehtë 180°C përreth 25-35 minuta.
- Më pas e nxjerrim nga furra dhe e lemë të ftohet përpara se ta presim e ta shërbejmë. Sipas dëshirës shtoni dhe pak sheqer pluhur sipër.
Notes
Përgatitja
Ju bëftë mirë nga ArtiGatimit!
