Kur flasim për amareta, mëndja na shkon tek gjyshet tona të cilat janë të pa përtuara për përgatitjen e këtyre biskotave që të shkrihen në gojë. Amaretat janë shumë të mira dhe të pëlqyeshme për fëmijët.
Amareta – Receta për Embelsira
Sasia: 4 persona
Kalori: 230kcal
Përbërësit
- 5 të bardha veze
- 200 gr sheqer
- 200 gr bajame të grira
- bajame për dekor
Përgatitja
- Hedhim të bardhat e vezës në një enë qelqi të thellë qelqi ose porcelani. Vezët duhet të jenë në temperaturë ambienti 20-25°. I fillojmë ti rrahim në enë me rrahës vezësh. Mund të përdorni rrahëse vezësh ose rrahës elektrik por kujdes mos kaloni në mbi rrahje.
- Hedhim sheqerin duke e trazuar edhe dy minuta të tjera. Më pas shtojmë dhe bajamet e grira dhe e trazojmë me kujdes.
- Në tavë vendosim një letër kuzhine. Masën e përgatitur e hedhim me ndihmën e një luge ose mund të përdorim dhe një xhep pastiçeri. Duhet të bejmë kujdes ti vendosim pak të larguara nga njëra tjetra mbi letër pasi amaretat mund të rrisin volumin.
- Futen në furr të nxehur më parë në temperaturën 100 gradë C, për 50 minuta.
- Amaretat mund të ruhen ne një ambjen të freskët në një vazo qelqi. Për të qënë gjithmon të azhurnuar me recetat e reja, na ndiqni në kanalet sociale si Facebook apo Instagram.
Ju bëftë mirë nga Arti Gatimit dhe Gëzuar festën e Shen Valentinit!
photo credit: anaix3l (license)
