Kjo hallvë është një pjatë e 'varfër' dhe e thjeshtë. Këtë recetë na e gatuante gjyshja kur nuk kishte shumë përbërës në dispozicion. Një ëmbëlsire e thjeshtë dhe e mirë sidomos ne ato raste kur keni pak kohe ne dispozicion për te gatuar!
Hallvë fshati - Ëmbëlsirë
Përbërësit
Për 4 persona
- 300 gr miell
- 600 ml litër ujë
- 100 gr sheqer
- 3 lugë gjelle vaj ulliri ose gjalpë të shkrire(
Përgatitja
- Në një tigan hedhim vajin ose gjalpin, e lemë sa të ngrohet pastaj hedhim miellin.
- E kaverdisim me lugë druri derisa të zverdhet. Duhet të kemi kujdes që të mos digjet. Hedhim ujin e ftohtë ngadalë e duke e trazuar mirë miellin që të mos bëhet kokrriza.
- Hedhim sheqerin, e përziejmë pak. E mbulojmë me kapak dhe e lemë të ziejë për 5 minuta me zjarr të ngadaltë.
- E fikim dhe pasi është ftohur, e servirim më pas në pjata.
