Gliko Shalqiri

Shalqiri është fruti që na shoqëron përgjatë stinës së verës. Përmban shumë vitamina e minerale dhe mund të themi që nuk mund të kalojmë verën pa shijuar këtë frutë. Zakonisht lëkurat e shalqirit i hedhim, por me to fare mirë mund të gatuajmë një ëmbëlsirë të shijshme siç është glikoja. Shumë receta gatimi mund të krijohen nga “mbetja” e ushqimeve, pra në kuzhinë mundohuni mos të hidhni asgjë. Përgatitja e glikosë së shalqiri është shumë e thjeshtë.

Shalqiri është fruti që na shoqëron përgjatë stinës së verës. Zakonisht lëkurat e shalqirit i hedhim, por me to fare mirë mund të gatuajmë një ëmbëlsirë të shijshme siç është glikoja.

Gliko Shalqiri

Prep Time20 minutes
Cook Time30 minutes
Total Time50 minutes
Course: Komposto
Cuisine: Albanian
Keyword: reçel
Sasia: 4 persona

Përbërësit

  • 1 kg lëkura shalqiri
  • 1 kg sheqer
  • 200 ml ujë
  • 100 gr gëlqere
  • 4/5 gjethe barbaroze
  • disa fara karaifili sipas dëshirës

Përgatitja

  • Në radhë të parë duhet të zgjedhim një shalqi i cili e ka lëkurën shumë të trashë. Në këtë rast përftojmë një gliko fantastike.
  • Fillojmë duke qëruar pjesën jeshile të lëkurës. Pra për glikonë na duhet vetëm pjesa e bardhë, duke eliminuar dhe nëse ka ngelur pak e kuqe.
  • Pasi ta kemi qëruar, e presin në copa të vogla katrore rreth 1-2 cm. Në një enë hedhim lëkurat se bashku me gëlqeren dhe ujë derisa të mbulojë gjithçka. I lemë të pushojnë rreth 1 orë. Ky proçes ndihmon lëkurat e shalqirit të ruajnë formën dhe transparencën kristalizuese.
  • Pasi ka kaluar 1 orë, i shpëlajmë në ujë të rrjedhshëm dhe i vendosin në zjarr të ulët. Hedhim sheqerin se bashku me 200 ml ujë. I lëmë në zjarr të ngadaltë derisa lëngu të jetë trashur. Glikoja është gati. Hedhim erëzat dhe e lemë të ftohet mbuluar.
  • Glikon e shalqirit e ruajmë në frigorifer ose në vazo të mbyllura hermetikisht.

Ju bëftë mirë!

1 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Mollë të kuqe

E kush nuk i mban mend mollët e kuqe, na kanë shoqëruar përgjatë fëmijërisë sonë. Përgatitja e mollëve të kuqe është një ide e shkëlqyer për ti tërhequr fëmijët në gatime të ndryshme dhe për ti shtyrë për të ngrënë fruta.

Kek me mollë

Një tjetër ëmbëlsirë kek me mollë nga faqja e Artigatimit.com pasi në faqe mund të gjeni disa versione të tortë me mollë. Kek pasi në disa zona akoma përdoret si term dhe kujton ëmbëlsirat që përgatiteshin në tavat e dikurshme elektrike.

Receta Macarons me çokollatë

Macaron është një ëmbëlsirë me origjinë franceze. Kjo ëmbëlsirë është e përgatitur me pak përbërës, me bazë meringe, miell bajamesh, të bardha veze dhe sheqer pluhur. Mbushja e këtyre ëmbëlsirave mund të bëhet sipas dëshirës, me çokollatë, marmelatë, kremra të ndryshëm. Në recetën e mëposhtme ne kemi përgatitur versionin me çokollatë.

Caramel Flan

Mendojeni këtë Caramel Flan si një krem karamel gjigant. Kjo ëmbëlsirë flan kremoze është shumë e njohur në vendet latine dhe ka një mori recetash për ta përgatitur