Cheesecake ose tortë djathi është një ëmbëlsirë me origjinë amerikane por tashmë e njohur në gjithë botën. Ka shumë variante për të bërë cheesecake si psh. me çokollatë, me fruta të ndryshme por ne sot kemi sjellë këtë recetë klasike. Eshtë një recetë e thjeshtë që do të kënaqë të gjithë.
Receta për Cheesecake
Sasia: 0
Përbërësit
- 200 gr biskota te thjeshta
- 150 gr gjalpë
- 500 gr djathë i butë Philadelphia
- 100 gr pana e freskët
- 100 gr sheqer
- 2 vezë + 1 të verdhë veze
- 1/2 lëngu limoni
- 1 pako vanilje
Përgatitja
- Si fillim përgatisim bazën e cheesecake. Biskotat i shtypim fort të gjitha ose i grijmë me grirësin elektrik duke shtuar edhe gjalpin në të. Marrim një tavë të rrumbullakët me diametër rreth 22-24 cm dhe i vendosim letër furri. Hedhim në të biskotat me gjalpin. I shtypim mirë me lugë ose me dorë duke krijuar një bazë në gjithë tavën. Më pas e vendosim tavën në frigorifer përreth 30 minuta.
- Përgatisim kremin sipër për cheesecake. Në një enë qelqi hedhim vezët, sheqerin, vaniljen dhe lëngun e limonit. Fillojmë ti rrahim me rrahësin elektrik. Më pas shtojmë edhe philadelphia dhe panën dhe vazhdojmë ti rrahim përsëri derisa të përzihen mirë të gjithë përbërësit.
- Marrim bazën nga frigoriferi dhe i hedhim sipër kremin e përgatitur. Fusim tavën ta pjekim në furrë të nxehtë 180°C përreth një orë.
Notes
Përgatitja e Cheesecake
Më pas e lemë cheesecake të ftohet dhe e zbukurojmë sipër me salsa të ndryshme sipas dëshirës, me luleshtrydhe, fruta pylli ose mund ta shijojmë kështu siç është.
Ju bëftë mirë nga ArtiGatimit!
1 comment
si mundem me e gjet embelsiren me mak