Sheqerpare me kakao është një version ndryshe i recetës për sheqerpare. Zëvendësimi i miellit me kakao do i japi sheqerpares atë ngjyrë kafe dhe një shije të veçantë.
Sheqerpare me kakao
Sasia: 8 persona
Kalori: 360kcal
Video
Përbërësit
Për Sheqerparet
- 480 gr miell
- 350 gr gjalpë
- 200 gr sheqer
- 3 kokrra vezë
- 2 lugë gjelle kakao
- 2 lugë kos i bardhë
- 1 pako pluhur për fryrje për ëmbëlsira
- pak kripë
- bajame ose arra
Për sherbetin
- 600 gr sheqer
- 400 ml ujë
- 1/2 limon
- 1 pako vanilje
Përgatitja
- Në një enë shkrijmë gjalpin duke i hequr shkumën sipër dhe e lemë të ftohet.
- Për të përgatitur sheqerpare me kakao hedhim në një enë qelqi miellin së bashku me kakaon dhe e trazojmë. Shtojmë sheqerin dhe më pas vezët një nga një duke i trazuar me një rrahëse dhe në fund shtojmë gjalpin e ftohtë.
- Pasi e shikojmë që brumi është bërë një masë e plotë e mbështjellim me një qeskë kuzhine dhe e futim në frigorifer të pushojë.
- Brumin e vendosim mbi tavolinën e punës dhe e hapim me pec në trashësi 2 cm. I presim në forma rrethore dhe i vendosim në tavë. Në mes, çdo sheqerpare i bëjmë nga një vrimë për të vendosur frutën e thatë sipas dëshirës.
- Tavën me sheqerpare me kakao e pjekim në temperaturën 180° për rreth 40 minuta.
Sherbeti
- Në një enë hedhim sheqerin ujin dhe e lemë të zieje për 6-7 minuta. Nga fundi i zierjes hedhim lëngun e limonit dhe vaniljen. Pasi janë pjekur sheqerparet dhe janë vakur u hedhim sherbetin e nxehtë. Në mesin e çdo sheqerpare vendosim arra ose bajame.
Receta të tjera që mund tu interesojnë kompekaj, semolina ose tiramisu me çokollatë.
Ju bëftë nga artigatimit.com
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!