Receta Macarons me çokollatë

Macaron është një ëmbëlsirë me origjinë franceze. Kjo ëmbëlsirë është e përgatitur me pak përbërës, me bazë meringe, miell bajamesh, të bardha veze dhe sheqer pluhur. Mbushja e këtyre ëmbëlsirave mund të bëhet sipas dëshirës, me çokollatë, marmelatë, kremra të ndryshëm. Në recetën e mëposhtme ne kemi përgatitur versionin me çokollatë.

Receta Macarons me çokollatë

Përbërësit

  • Rreth 30 Macarons

  • 100 gr miell bajame
  • 180 gr sheqer pluhur
  • 100 gr të bardhë veze rreth 3 të bardha veze
  • 30 gr sheqer
  • 3 lugë kafeje me kakao
  • Për mbushjen

  • 200 gr çokollatë e zezë
  • 50 ml qumësht

Përgatitja

  • Marrim të bardhat e vezëve të cilat duhet të jenë në temperaturë ambienti 20-25°C, dhe fillojmë ti rrahim në një enë të thellë qelqi ose porcelani. Mund të përdorni rrahëse vezësh ose rrahës elektrik por kujdes mos kaloni në mbi rrahje.
  • Pasi të jetë formuar një shkumë e bardhë, shtojmë sheqerin (30gr) pjesë-pjesë dhe vazhdojmë me rrahjen.
  • Vezët duhet ti rrahim derisa e bardha të formojë një masë të bardhe kremoze dhe kur të ngremë rrahësen, duhet të jetë një majë e mprehtë dhe jo të përkulet. Shikoni dhe fotografitë për ilustrim.
  • Përziejmë miellin e bajameve me sheqerin pluhur, kakaon dhe gjysmën e kësaj mase e hedhim tek e bardha e vezëve. Me ndihmën e një luge fillojmë ta trazojmë me kujdes. Më pas shtojmë dhe gjysmën tjetër. E trazojmë ngadalë derisa të kemi një masë homogjene.
  • Marrim xhepin e kuzhinierit dhe e mbushim me masën e përgatitur. Në një tavë, ku më parë kemi shtruar letër kuzhine fillojmë dhe krijojme disa rrathë të vegjël me diametër më të vegjël se 5cm.
  • Pasi ta kemi mbushur tavën duhet ta përplasim lehtë mbi planin e kuzhinës, kështu largojmë ajrin dhe evitojmë të krojohen flluska në brendësi, si dhe përftojmë një formë të rrumbullakët dhe të lëmuar sipër.
  • Tavën duhet ta lemë të pushoj në një ambient të freskët 20-25°C per 30-40 minuta. Macarons janë gati për tu pjekur nëse kur prekim sipërfaqen ato nuk ngjisin.
  • E fusim në furre ventilimi tavën me Macarons, në temperaturën 170°C dhe e lemë të piqet për 15-20 minuta.
  • Pasi të piqen, i lemë të ftohen dhe më pas i heqim nga tava.
  • Përgatitja e çokollatës

  • Ndërkohë përgatisim kremin duke shkrirë çokollatën në banjëmaria dhe e përziejmë me qumësht. I trazojmë mirë derisa të arrijmë një masë homogjene.
  • Marrim kremin e përgatitur për mbushje dhe e hedhim ne xhepin e kuzhinierit. Marrim një macarons dhe në pjesën e poshtme hedhim një shtresë kremi pa dalë nga bordi. Marrim një macarons tjetër dhe e bashkojmë bashkë me atë me krem. Kështu vazhdojmë dhe me pjesën tjetër.

Notes

Këshillë

E bardha e vezëve
Për të pasur një meringë sa më të dendur dhe rezultat sa më të mirë, këshillohet që e bardha e vezëve të ndahet nga e verdha dhe të ruhet të paktën një natë në frigorifer.

Përgatitja e Macarons

Macarons e përgatitur këshillohen të ruhen në frigorifer në një vazo dhe të shërbehen të nesërmen.

Ju bëftë mirë nga ArtiGatimit!

receta-macarons-shqip-receta-embelsira-franceze-italiane-artigatimit-b

204 Shares
4 comments
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Plumcake me çokollatë

Plumcake me çokollatë dhe kos është një recetë e thjeshtë për tu përgatitur duke bërë pak kujdes në pjekje. Aroma dhe shija e kësaj ëmbëlsire është e pa rezistueshme dhe mund të konsumohet në çdo kohë.

Ëmbëlsirë Krokante me susam

Krokantja me susam e përgatitur në shtëpi është shumë herë më e mirë dhe e shijshme se ato që gjejmë në tavolinat e pazarit a supermarketit. Me një përgatitje shumë e thjeshtë, do të kemi një ëmbëlsirë të mirë.

Receta për Qumështor

Një recetë për një ëmbëlsirë që është shumë e thjeshtë për tu bërë dhe shumë e mirë për tu ngrënë. Kjo është një recete që e kam marrë nga mami im.

Kek me qumësht

Kek me qumësht është një recetë gatimi shumë e thjeshtë që mund ta shërbejmë në mëngjes ose mbasditeve të shoqëruar me një çaj ose kafe. Kjo ëmbëlsirë është shumë e mirë edhe për fëmijët.

Tortë me banane e kakao

Tortë me banane e çokollatë është një ëmbëlsirë e shijshme që mund ta përgatisni në pak kohe. Nëse keni banane të pjekura shumë dhe nuk dini ç'të bëni me to kjo është një recetë ideale.