French Macarons – Receta Baze

154 Shares
154
0
0
French Macaron janë ëmbëlsira të vogla me origjinë franceze. Këto ëmbëlsira përgatiten me pak përbërës, me bazë meringe, miell bajamesh, të bardha veze dhe sheqer pluhur. Ajo që i bën të veçanta është se mund të kenë ngjyra të shumëllojshme si dhe shije të ndryshme.

French Macarons - Receta Baze

Përbërësit

  • Rreth 30 Macarons

  • 125 gr miell bajame
  • 210 gr sheqer pluhur
  • 100 gr të bardhë veze rreth 3 të bardha veze
  • 30 gr sheqer

Notes

E bardha e vezëve për French Macarons

Për të pasur një meringë sa më të dendur dhe rezultat sa më të mirë, këshillohet që e bardha e vezëve të ndahet nga e verdha dhe të ruhet të paktën një natë në frigorifer.

Përgatitja e Macarons

Marrim të bardhat e vezëve të cilat duhet të jenë në temperaturë ambienti 20-25°C, dhe fillojmë ti rrahim në një enë të thellë qelqi ose porcelani. Mund të përdorni rrahëse vezësh ose rrahës elektrik por kujdes mos kaloni në mbi rrahje.
Pasi të jetë formuar një shkumë e bardhë, shtojmë sheqerin (30gr) pjesë-pjesë dhe vazhdojmë me rrahjen.
Vezët duhet ti rrahim derisa e bardha të formojë një masë të bardhe kremoze dhe kur të ngremë rrahësen, duhet të jetë një majë e mprehtë dhe jo të përkulet.
Përziejmë miellin e bajameve me sheqerin pluhur, dhe gjysmën e kësaj mase e hedhim tek e bardha e vezëve (Nëse mielli nuk është shumë i imët, më përpara mund ta kalojmë në një mikser së bashku me sheqerin pluhur).
Me ndihmën e një luge fillojmë ta trazojmë me kujdes. Më pas shtojmë dhe gjysmën tjetër. E trazojmë ngadalë derisa të kemi një masë homogjene dhe të shndritshme.
Marrim xhepin e kuzhinierit dhe e mbushim me masën e përgatitur. Në një tavë, ku më parë kemi shtruar letër kuzhine fillojmë dhe krijojmë disa rrathë të vegjël me diametër më të vegjël se 4-5cm.
Pasi ta kemi mbushur tavën duhet ta përplasim lehtë mbi planin e kuzhinës, kështu largojmë ajrin dhe evitojmë të krijohen flluska në brendësi, si dhe përftojmë një formë të rrumbullakët dhe të lëmuar sipër.
Tavën duhet ta lemë të pushoj në një ambient të freskët 20-25°C për 30-40 minuta. Macarons janë gati për tu pjekur nëse kur prekim sipërfaqen ato nuk ngjisin.
E fusim në furre ventilimi tavën me Macarons, në temperaturën 170°C dhe e lemë të piqet për 15-20 minuta (160°C për furrat e tjerë).
Pasi të piqen, i lemë të ftohen dhe më pas i heqim nga tava.
best-original-french-macarons-ever-recipe
Macarons tani janë gati për tu mbushur me shijen tuaj të preferuar. Këshillohen të ruhen në frigorifer në një vazo dhe të shërbehen të nesërmen. Lexoni gjithashtu recetat për French Macarons me çokollate apo Red French Macarons

Ju bëftë mirë nga ArtiGatimit!

154 Shares
4 comments
    1. Ajla mielli i bajameve eshte perberesi kryesor i recetes dhe me miell normal nuk te dalin. Mielli i bajameve arrihet duke grire bajamet.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Ëmbëlsirë pa pjekje me çokollatë

Shpesh herë duhet të provojmë edhe receta si kjo ëmbëlsirë pa pjekje me çokollatë. Përgatitja është e thjeshtë dhe e shpejtë. Kemi përdorur biskota por mund ti zëvendësoni edhe me pandispanjë.

Krem Karamel

Krem Karamel, Crème caramel, flan apo caramel custard është një ëmbëlsirë me një shtresë karameli dhe kremi nga ku merr dhe emrin. Me pak përbërës të thjeshtë do kemi një ëmbëlsirë të thjeshte dhe te shijshme.

Ëmbëlsira për karnavale – Chiacchiere

Kjo recetë ëmbëlsira për karnevale është një nder ëmbëlsirat më të njohurat në Itali në periudhën e festës. Bëhet fjalë për një recetë shumë të thjeshtë ku përbërësit kryesor janë mielli dhe veza. Pas skuqjes mjafton pak sheqer pluhur dhe shërbe

Petulla Amerikane Pancakes me boronica

Një version tjetër i petullave amerikane, kësaj radhe pancakes me boronica. Këto ëmbëlsira janë të përdorura për një mëngjes të shijshëm dhe të thjeshtë. Pancakes me boronica shtuar sipër shurup panje dhe boronica janë akoma edhe më të shijshme

Mousse me Mjeder – Raspberries

Një recetë me fruta verore e thjeshte dhe ideale për pasditet e nxehta. Gjithsesi thjeshtësisë se recetës ju ftoj ta përgatisni disa orë më përpara, kështu ëmbëlsira ka kohë të mjaftueshme të pushojë ne frigorifer.

Mollë të kuqe

E kush nuk i mban mend mollët e kuqe, na kanë shoqëruar përgjatë fëmijërisë sonë. Përgatitja e mollëve të kuqe është një ide e shkëlqyer për ti tërhequr fëmijët në gatime të ndryshme dhe për ti shtyrë për të ngrënë fruta.