Ëmbëlsirë Pasta Biskotë e mbushur me Ajkë Qumështi

Është një ëmbëlsirë shumë e thjeshtë e shpejtë dhe e freskët. Pasta biskote mund të përdoret dhe për ëmbëlsira të tjera.

Pasta biskotë e mbushur me krem pana

Prep Time30 minutes
Cook Time12 minutes
Resting2 hours
Total Time2 hours 42 minutes
Course: Dessert
Cuisine: Global
Keyword: embelsire
Sasia: 4 persona
Kalori: 190kcal

Përbërësit

Për pasta biskotë

  • 4 kokrra vezë
  • 60 gram miell
  • 60 gram sheqer
  • 40 ml vaj lule dielli
  • 50 ml ujë
  • 2 lugë kafeje maja pluhur për ëmbëlsira

Për mbushjen

  • 300 ml pana për ëmbëlsira ajkë qumështi
  • 150 gram qumësht panda qumësht i kondensuar
  • sheqer pluhur për zbukurim

Përgatitja

Përgatitja e pastës biskotë

  • Si fillim për të përgatitur këtë ëmbëlsirë, ndajmë të verdhat e vezës nga të bardhat.
  • Rrahim të bardhat deri sa të mos derdhet nga ena. Shtojmë sheqerin e vazhdojmë rrahjen.
  • Marrin të verdhat e vezës e i rrahim në një enë tjetër. Shtojmë vajin e lule diellit, ujin, miellin e vazhdojmë rrahjen.
  • Tek ena ku janë të verdhat e vezës me përbërësit e tjerë shtojmë të bardhat pak e nga pak. I trazojmë me lugë druri që vëllimi të mos bjerë.
  • Marrim masën dhe e shtrojmë në një tavë katrore ose drejtkëndëshi ku kemi vendosur më parë një letër furre. Letra e furrës na ndihmon që të mos ngjitet masa në tavë.
  • E pjekim ne furre të ngrohur fillimisht. Masa duhet të piqet për 12-13 minuta në 180 gradë furre me ventilator ose 190 grade në furrë statik për të njëjtën kohë.

Ndërkohë që masa piqet përgatisim mbushjen

  • Rrahim në një enë panën (ajkën e qumështit) deri sa të dendësohet, do duhen rreth 3-4 minuta në shpejtësi maksimale të rrahëses elektrike. Shtojmë brenda qumështin e kondensuar e vazhdojmë rrahjen.
  • Kur masa në furre është gati e lemë të ftohet.
  • Do duhet rreth 15 minuta për ftohjen. Pasi është ftohur marrim kremin për mbushje, dhe e hapim në mënyre të njëtrajtshme mbi sipërfaqen e pasta biskote.
  • E mbështjellim në formë role dhe e lemë për të paktën 1 orë në frigorifer që ëmbëlsira të pushojë.
  • Pasi ka pushuar, pasta biskotë është e mbushur me krem pana gati. Sipër e spërkasim me sheqer pluhur.

Receta për role me fruta kiwi, ëmbëlsire e mbushur me krem ose lexo mbi përbërësin pana

Ju bëftë mirë!

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Biskota çaji

Një alternative e Shëndetlisë, këto biskota çaji ishin shumë të pëlqyera. Përgatiteni këtë recete për biskota dhe do te ngeleni super te kënaqur.

Vanilla Cupcake

Vanilla cupcake apo cupcakes me vanilje janë perfekte për festa, festime apo thjesht për ti provuar. Këto ëmbëlsira përgatiten fare thjeshte dhe sipër mund ti vendosim krem me shije dhe ngjyra të ndryshme.

Fiq të thatë – Pestil

Fiq të thatë në shtresa të holla, ose ndryshe pestil fiku. Pestili është një recetë e vjetër e zonave juglindore të Shqipërisë. Pestiln mund ta përgatitim me çdo lloj fruti. Për përgatitjen e pestilit përdoret fiku i ëmbël i muajit Gusht.

Krem gjalpi

Kremi i gjalpit është shumë i përdorur në pastiçeri. Ky lloj kremi përdoret për të mbushur torta të ndryshme, ëmbëlsira të vogla siç janë cupcake ose ato pastat e vogla që ishin shumë të përhapura në Shqipëri përpara shumë vitesh.