Video Receta Petulla me Banane

Një variant shumë i shpejt i recetës petulla me banane. Kjo është dhe një mundësi e mirë nëse ju kanë ngelur banane në shtëpi dhe fare mire mund të përgatisni këto petulla të shijshme. Përgatitja e brumit kërkon vetëm fare pak minuta. Pasi ti keni skuqur sipër shtoni sheqer pluhur për akoma më shumë shije.

Petulla me banane

Prep Time20 minutes
Cook Time10 minutes
Total Time30 minutes
Course: Appetizer
Cuisine: Albanian
Keyword: petulla
Sasia: 4 persona
Kalori: 220kcal

Video

Përbërësit

Për brumin nevojiten:

  • 2 kokrra vezë
  • 150 gr miell
  • 200 ml qumësht
  • 2 lugë gjelle sheqer
  • 1 luge vogël fryrës me vanilje
  • pak lëkurë limoni
  • pak kripë

Përgatitja

  • Për këto petulla me banane kemi përgatitur dhe një video recetë të shkurtër të cilinë mund ta ndiqni nga kanali jonë në Youtube Arti Gatimit.
  • Përgatisim brumin duke rrahur pak vezët në një enë. Më pas shtojmë qumështin e ftohtë dhe miellin. Pak sheqer dhe fryrës për ëmbëlsira me vanilje. E trazojmë masën e brumit që mos të ngelen kokrriza nga mielli.
  • Grijmë sipër pak lëkurë limoni dhe shtojmë pak kripë. Pasi kemi përgatitur brumin, e lemë të pushoje për disa çaste.
  • Qërojmë bananet dhe i presim rreth gjysmë centimetri.
  • Pasi brumi ka pushuar, lyejmë pjesët e bananes në të dhe më pas i hedhim në vaj të nxehtë.
  • Duhet të bëjmë kujdes ta heqim tepricën e brumit. Temperatura e vajit duhet të jete rreth 160°C.
  • Vazhdojmë në këtë mënyrë për të gjitha pjesët e bananes. Skuqim mirë bananet dhe nëse është nevoja i kthejmë nga ana tjetër të skuqen për disa çaste.
  • Heqim bananet e skuqura dhe i vendosim në një pjatë. Petullat me banane mund ti vendosni mbi një letër kuzhine për të thithur vajin e tepërt.
  • Petulla me banane janë gati. Sipas dëshirës mund ti spërkasim me sheqer pluhur.

Receta të tjera për petulla të fshira, petulla me maja ose petulla amerikane.

Ju bëftë mirë!

1 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Receta Macarons me çokollatë

Macaron është një ëmbëlsirë me origjinë franceze. Kjo ëmbëlsirë është e përgatitur me pak përbërës, me bazë meringe, miell bajamesh, të bardha veze dhe sheqer pluhur. Mbushja e këtyre ëmbëlsirave mund të bëhet sipas dëshirës, me çokollatë, marmelatë, kremra të ndryshëm. Në recetën e mëposhtme ne kemi përgatitur versionin me çokollatë.

Biskota të mbushura me mollë

Këto biskota të mbushura me mollë janë ëmbëlsira shumë të shijshme dhe të thjeshta për tu përgatitur. Kombinimin mund ta bëni edhe me reçel të ndryshëm, por mbushja me mollë dhe kanellë i jep një arome të veçante.

Tortë me dardhë

Torta me dardhë është një ëmbëlsirë që mund ta hamë në çdo moment, për mëngjes të shoqëruar me një gotë qumësht ose mbas dite me një filxhan çaji. Pëlqehet nga të gjithë, fëmijë e të rritur. Ka shumë receta për të gatuar këtë ëmbëlsirë. Ne sot kemi zgjedhur një recetë të thjeshtë e shumë të shpejtë.