Receta ëmbëlsirë e mbushur me krem

Kjo ëmbëlsirë e mbushur me krem është ideale për të festuar ditëlindje apo festa të tjera, ose thjeshtë një copë ëmbëlsirë pas darkës. Përgatitja e kësaj ëmbëlsirës mbushur me krem është shumë e thjeshtë dhe shtresa kryesore ngjan si një pandispanjë.

Receta ëmbëlsirë e mbushur me krem

Prep Time25 mins
Cook Time13 mins
Total Time38 mins
Course: Dessert
Cuisine: Global
Keyword: embelsire
Sasia: 4 persona
Kalori: 220kcal

Përbërësit

Për bazën e ëmbëlsirës

  • 120 g miell
  • 4 kokrra vezë
  • 120 g sheqer
  • 5 g pluhur për fryrje
  • 90 g vaj
  • pak kripë
  • vanilje

Për mbushjen

  • 250 ml ajkë qumështi panna
  • kakao pa sheqer

Përgatitja

  • Mbushja e kësaj ëmbëlsire mund të bëhet edhe me krem pastiçier, recetën e gjeni në faqen tonë. Gjithsesi edhe ky version me ajkë qumështi (panna) është fantastik.
  • Për të rrahur ajkën duhet të vendosim paraprakisht enën në frigorifer dhe me pas me një rrahës elektrik ose rrahës vezësh rrahim ajkën derisa të fryhet. E vendosim përsëri ajkën (pannen) në frigorifer.
  • Ndërkohë fillojmë të përgatisim bazën e ëmbëlsirës.
  • Në fillim ndajmë të bardhat e vezëve nga të verdhat. Rrahim të bardhat derisa të bëhen merenge dhe i vendosim në frigorifer.
  • Të verdhat e vezëve i rrahim me sheqerin dhe pak vanilje derisa të bëhen shkumë. Shtojmë vaj dhe e përziejmë të gjithë masën. Më pas shtojmë gjysmën e miellit dhe e trazojmë mirë.
  • Shtojmë të bardhat e vezëve dhe i përziejmë me ndihmën e një shpatulle. Shtojmë dhe pjesën tjetër të miellit dhe e trazojmë me kujdes. Masa për bazën është gati të cilën e shtrojmë në një tavë ku kemi vendosur më parë letër kuzhine. Duhet të kemi parasysh që tava të jetë sa më e madhe, kështu që shtresa të jetë jo më shumë se një centimetër e lartë.
  • Bazën e pjekim në furrë të ngrohur paraprakisht në temperaturën 180 °C për rreth 20 minuta.
  • Pasi të jetë ftohur e heqim nga tava dhe e kthejmë për të hequr letrën e vendosur.
  • E shtrojmë në tavolinën e punës dhe sipër i hedhim kakao pluhur. Më pas shtrijmë në të gjithë sipërfaqen ajkën e qumështit që kemi vendosur në frigorifer. E hapim në mënyrë të njëtrajtshme. Në një anë fillojmë ta rrotullojmë në formë rolë ëmbëlsirën e mbushur.
  • E vendosim me baze poshtë dhe e lemë në frigorifer të pushojë për disa minuta.
  • Ëmbëlsirë e mbushur me krem është gati, e presim në feta dhe e shërbejmë

Ju bëftë mirë!

353 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Ëmbëlsira Muffin me Karrota

Një ëmbëlsirë me karrota që mund të shërbehet si për mëngjes apo një mbasdite me një çaj. Kjo ëmbëlsirë muffin është ideale edhe për fëmijët. Nëse dëshironi mund ti shtoni edhe copëza të vogla çokollate. Kjo është dhe një recetë e shpejtë për tortë. Pra nëse dëshironi dhe nuk keni formën e posaçme për muffin mund ta hidhni e ta piqni në një tavë normale për ëmbëlsira.

Kek me kungull të verdhë

Receta për ëmbëlsirë kek me kungull është shpejtë për tu përgatitur dhe shumë e shijshme! Për këtë kek kemi përdorur kungull të verdhë, pasi karakteristikë e tij është se mund të bëhet brumë dhe i jep shumë butësi ëmbëlsirës.

Embëlsirë me grurë – Ashure

Ashurja është një ëmbëlsirë me origjinë turke por që në Shqipëri është shumë e njohur. Kjo lloj ëmbëlsirë është e përgatitur kryesisht me drithëra, fruta të thata e arra. Nuk ekziston një recetë e mirëfilltë për përgatitjen e ashures, mund të variojë nga krahina në krahinë e nga familja në familje. Në vendin tonë kjo ëmbëlsirë është e përgatitur kryesisht me grurë e ne po japim këtë recetë