Embëlsira
Shkruaj një koment

Bajadera

Përgatitja: 20 min - Pjekja: 5 min - Sasia: 4

Receta e bajaderave na ka ardhur nga një lexuese e rregullt e faqes tone, Blerta të cilën e falënderojmë shumë.
Bajaderat siç i thonë në zonën e Kosovës, janë biskota të përziera me arra e çokollatë.
Kjo është një ëmbëlsirë shumë e shijshme, e shpejtë dhe paraqitet bukur në pjatë.

Përbërësit për Bajadera


  • 200 gr arra të bluara

  • 300 gr biskota keksa Pllazma ose Petit Beure të bluara

  • 250 gr margarinë apo gjalpë (në temperaturë ambienti)

  • 1 gotë sheqer me 1\2 gotë ujë (1 gotë = 150 gr)

  • 300 gr çokollatë


Përgatitja e Bajaderave

Ne një enë të thellë hedhim keksat,arrat si dhe margarinën e zbutur. Në një tenxhere ziejmë ujin me sheqer deri sa sheqeri të shkrihet,e lemë pak që të ftohet dhe e hedhim në enën tjetër për ta përzier së bashku me masën e keksave deri sa te fitojmë një masë homogjene.

Shkrijmë në banjomaria 200 gr çokollatë. Kur të shkrihet e largojmë nga zjarri dhe e bashkojmë me masën që kemi përgatitur më parë. I trazojmë mirë derisa të bashkohen mirë të gjithë përbërësit.

E hedhim masën e përgatitur në një enë katrore.
Pjesën tjetër të çokollatës (100 gr) që na ka mbetur, e shkrijmë në banjomaria me pak margarinë dhe e hedhim mbi bajader. E shpërndajmë mirë e më pas e fusim në frigorifer që të ftohet mirë.

Më pas e nxjerrim nga frigoriferi vetëm në momentin kur do ta servirim.
E hedhim në pjata dhe e shërbejmë të shoqëruar me akullore ose e shijojmë ashtu siç është.

Ju bëftë mirë!

bajadera-receta-gatimi-food-recipe-free-foto-table

Shkruani komentin tuaj - Komente