Po e nisim këtë vit të ri me disa mini torta me zemër çokollate që na pëlqen shumë dhe jam e sigurt që edhe juve, miqtë e mi, do t’ju pëlqej patjetër. Kjo është një nga ato ëmbëlsirat që gatuhet shumë shpejt dhe që lë mbresë te miqtë tuaj.
Këto ëmbëlsira mini torta me zemër çokollate janë shumë të shijshme dhe me një efekt mahnitës.
Mini Torta me zemër çokollate
Sasia: 6 persona
Kalori: 320kcal
Përbërësit
- 225 gr çokollatë e zezë
- 115 gr gjalpë
- 100 gr sheqer
- 60 gr miell
- 3 kokrra vezë
Përgatitja
- Si fillim ndezim furrën në temperaturën 200°C.
- Në një enë shkrijmë çokollatën së bashku me gjalpin (banjomaria), duke lënë pak gjalpë sa për të lyer format.
- Në një enë tjetër hedhim vezët së bashku me sheqerin dhe i rrahim për rreth 2-3 minuta. Masës së krijuar, i shtojmë masën me çokollatën e shkrirë me gjalpin, (tashmë e ftohur).
- Shtojmë më pas miellin dhe e trazojmë mirë e me kujdes përbërjen. Pastaj masën e përgatitur e hedhim në forma të vogla të rrumbullakëta të cilat i kemi lyer pak gjalpë.
- Fusim në furrë tavën dhe i lëmë të piqen rreth 15 minuta. (Kujdes mos ti piqni shumë pasi efekti me zemër çokollatë do të zhduket.)
- Pasi janë pjekur i nxjerrim nga furra dhe me kujdes mos digjemi i nxjerrim nga forma dhe i vendosim në pjata. I spërkatim pak me sheqer pluhur. Mimi tortat me zemër çokollate i shërbejmë menjëherë.
Receta per çokollate me lajthi
Ju bëftë mirë!
1 comment
faleminderit per keto gjera te mira qe na sygjeroni.flm