E lehtë për t’u përgatitur, e freskët dhe mbi të gjitha mund ta përgatisim gjatë gjithë vitit. Lëng karrote mund të jetë një alternativë shumë më e dobishme për trupin tonë një ngarkese e vërtetë vitaminash.
Lëng karrote
Sasia: 4 persona
Kalori: 90kcal
Përbërësit
- 500 gr karrota
- 100 gr ananas
- lëngu gjysmë limoni
- xhinxher sipas dëshirës
Përgatitja
- Për të përgatitur lëng karrote nevojitet një shtrydhës frutash. Mund të përdoret edhe një grirës kuzhine por më pas duhet të filtroni brumin e futave.
- Karrotat në radhe te parë duhen pastruar dhe hequr ekstremet, pasi mund të ndryshojnë shijen e pijes. Sipas shtrydhësit i ndajmë karrotat në disa pjesë.
- Heqim edhe lëkurën e ananasit dhe e presim në copa të vogla.
- Hedhim në shtrydhësen e frutave karrotat së bashku me ananasin pjesë pjesë. Më pas nëse dëshirojmë hedhim dhe pak xhinxher. Marrim lëngun e përftuar, ku sipër shtrydhim gjysmë limoni.
- Lëng karrote është gati, e shërbejmë të freskët nëpër gota.
Receta të tjera të ngjashme që kemi publikuar në faqe janë: Lëng molle, lëng i kuq i shëndetshëm ose lëng dardhe
Ju bëftë mirë!
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!