Grur i zier e rekomandoj sepse është shumë e shëndetshme. Gruri pa përpunuar përmban mjaft proteina dhe asimilohet lehtë nga organizmi, prandaj ju rekomandohet të gjithëve ta përdorin, sidomos sportistëve dhe fëmijëve.
Grur i zier
Sasia: 2 persona
Kalori: 230kcal
Përbërësit
- 150 gr grurë
- 300 mL ujë
- arra
- kanelle
- 60 gr sheqer
Përgatitja
- Përgatitja e kësaj recete është një proces shumë i thjeshtë. Lajmë grurin dhe e lemë 2 orë në një enë me ujë.
- Më pas e hedhim në tenxhere me masën e ujit dhe e lemë të ziejë në zjarr të ulët. Kokrra e grurit duhet të zbërthehet mirë. Pasi e shikojmë që gruri ka zier, e kullojmë ujin qe mund të ketë ngelur.
- Koha e zierjes varet nga lloji i grurit. Ujin mund ta përdorim për sup sepse ka shumë vlera ushqimore.
- Grurit të kulluar i hedhim,sheqerin ,arrat dhe sipër kanellë. Grur i zier serviret i ftohtë me një gotë verë të bardhë për pasdite.
Nëse ju pëlqeu kjo recetë, ju ftoj të lexoni ashure, një tjetër recetë me grurë!
