Embëlsira
Shkruaj një koment

Krostatë me fiq të freskët

Përgatitja: 20 min - Pjekja: 30 min - Sasia: 4 Persona
Krostatë me fiq të freskët për të mbyllur stinën e verës në bukuri e plot shije. Baza në brumin frolla e mbushur me rikota dhe sipër fiq të freskët.

Krostatë me fiq të freskët

Prep Time20 mins
Cook Time30 mins
Total Time50 mins
Course: Dessert
Cuisine: Mediterranean
Keyword: embelsire
Servings: 4 persona
Calories: 230kcal
Cost: 10€

Përbërësit

Për bazën

  • 150 gr miell
  • 2 të verdha veze
  • 70 gr sheqer
  • 80 gr gjalpë
  • lëkurë limoni
  • pak kripë

Për mbushjen

  • 400 gr fiq të freskët
  • 200 gr rikota gjizë pa kripë
  • 50 gr sheqer pluhur
  • 50 gr lajthi të grira

Përgatitja

  • Për të përgatitur krostatë me fiq të freskë, si fillim duhet të bëjmë bazën për krostatë. Si përherë më klasikja është baza me brumin frolla.
  • Në një enë qelqi ose në tavolinën e punës hedhim miellin së bashku me sheqerin, lëkurën e limonit, vezët dhe pak kripë. I trazojmë me duar derisa të përzihet gjithçka. Më pas i hedhim dhe gjalpin dhe e punojmë brumin për 7-8 minuta. Brumin e lemë të pushojë për 40 minuta në frigorifer.
  • Në hapin tjerwr e hapim brumin që ka pushuar tashmë me diametrin e tavës. Brumin e vendosim në tavë dhe pjesët anësore të brumit i rregullojmë mirë anës tavës duke hequr tepricën. E pjekim bazën në temperaturën 170°C për rreth 10 minuta.

Përgatitim mbushjen

  • Rikotën e punojmë mirë me pirua duke shtuar sheqerin, shtojmë 4-5 fiq të prerë në pjesë të vogla dhe disa lajthi të grira. E trazojmë mirë dhe e hedhim sipër petës. Mbi mbushje vendosim feta fiku të prera në forma rrethore. Tavën e futim në frigorifer pwr te paken 30 minuta.
  • Krostatë me fiq të freskët është gati. E presim në copa dhe e shërbejmë me pak sheqer pluhur sipër.

Receta që mund tu pëlqejnë smoothie me fiq, torte me fiq ose reçel fiku.

Ju bëftë mirë nga artigatimit.com

Na ndiqni në Instagram @ArtiGatimit dhe vendosni tag #artigatimit recetat që gatuani!

Lini një Përgjigje

Your email address will not be published. Required fields are marked *


Komento nga Facebook!

Shkruani komentin tuaj - Komente