Krostat me krem limoni

Jo vetëm për dashamirësit e limonit, krostat me krem limoni ka një shije delikate dhe shume aromatike. Kjo ëmbëlsirë me krem mund të përgatitet me brumin frolla në pak minuta.

Krostat me krem limoni

Prep Time25 minutes
Cook Time40 minutes
Total Time1 hour 5 minutes
Course: Dessert
Cuisine: French
Keyword: embelsire
Sasia: 6 persona
Kalori: 230kcal

Përbërësit

Përbërësit për brumin

  • 200 gr miell
  • 80 gr gjalpë
  • 75 gr sheqer
  • 1 vezë
  • vanilje
  • lëkura e një limoni

Përbërësit për kremin

  • 2 limona biologjik
  • 30 gr niseshte
  • 40 gr gjalpë
  • 120 gr sheqer
  • 200 ml ujë
  • 2 të verdha vezë
  • kripë

Përgatitja

  • Në fillim përgatitim brumin frolla. Në një enë rrahim gjalpin dhe sheqerin. Për këtë proces mund të kryejmë edhe me robot kuzhine. Shtojmë më pas vezën dhe lëkurën e limonit.
  • Në hapin e fundit të përgatitjes së brumit për krostat me krem limoni shtojmë miellin. Miellin e kemi situr më parë dhe e përziejmë vetëm pak çaste me dorë. Brumin e hapim me okllahi dhe e vendosim të pushojë në frigorifer për të paktën 20 minuta. Ndërkohë përgatisim kremin e limonit.
  • Në një enë vendosim sheqerin dhe ujin në zjarr. Shtrydhim lëngun e dy limonëve dhe e shtojmë të shurupi që po vlon. Hedhim edhe niseshtenë duke e situr dhe e heqim nga zjarri. Shtojmë duke e rrahur të verdhat e vezës së bashku me gjalpin në temperaturë ambienti. hedhim dhe pak kripë. Pasi e kemi përzierë mirë masë e lëmë mënjanë dhe vazhdojmë më pjekjen e petës frolla.
  • Marrim brumin që përgatitëm dhe e vendosim në tavën e pjekjes ku kemi shtruar një letër kuzhine. Tava që kemi përdorur është rreth 28 cm dhe me bordurë. Petën e shpojmë në shumë vende me pirua. I vendosim sipër një letër kuzhine, sipër letrës e mbushim me oriz apo fasule, që do të shërbejnë si kundërpeshë, dhe e futim në furrë të para ngrohur në 180°C për 10 minuta. Pasi piqet peta heqim letrën sipër dhe e lemë të ftohet.
  • Në hapin final hedhim kremin e limonit qe kemi përgatitur sipër petës.
  • Krostatën me krem limoni e pjekim në furrë të para ngrohur në 170°C për 30 minuta. Pasi është pjekur e lënë të ftohet.
  • Krostat me krem limoni është gati. E presim në pjesë dhe e pudrosim me sheqer pluhur kur e shërbejmë.

Ju bëftë mirë nga Artigatimit!

Ju pëlqeu kjo recetë?

Komentoni më poshtë dhe shpërndajeni për miqtë tuaj. Përshtypjet tuaja janë shumë të vlefshme.

0 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Revani

Revani me niseshte është një ëmbëlsirë shumë e shijshme nëse gatuhet siç duhet. Ne sot kemi sjellë këtë recetë që përdoret shumë në zonën e Mallakastrës.

Strudel me mollë

Strudel me mollë është një ëmbëlsirë tipike e zonës së Trentino në Itali. Kjo ëmbëlsirë konsiston në një role brumi i mbushur me mollë dhe rrush të thatë. Recetë e shijshme, e ëmbël, me kosto të lirë dhe e shpejtë për tu përgatitur.

Receta për Karamel

Kjo salcë karameli është shumë e mirë dhe mund ta përdorim mbi akullore, mbi torta e ëmbëlsira të ndryshme. Ka disa receta për përgatitjen e salcës së karamelit, por receta e mëposhtme na kënaqi më shumë me rezultatin e arritur.