Këto mini croissant janë zgjidhja më ë shpejtë kur duam diçka të ëmbël. Të përgatitur më brumin sfoglia, recetë e ngjashme me brioche me nutella. Për këtë recetë mund të përdoret edhe brumi sfogliat i gatshëm nëse nuk e keni përgatitur më parë, recetën e gjeni tek kategoria recetat bazë.
Mini Croissant me çokollatë
Sasia: 4 persona
Kalori: 170kcal
Përbërësit
- 1 petë sfogliat
- 200 gr çokollatë
- 4-5 lugë gjellë ajkë qumështi panna
- 3-4 lugë gjellë sheqer
Përgatitja
- Në fillim nxjerrim nga frigoriferi petën sfogliat. Ndërkohë përgatisim çokollatën për mbushje.
- Në një enë hedhim çokollatën së bashku me ajkën e qumështit. I vendosim në zjarr për pak kohë ose në furrë me mikrovalë, më pas e trazojmë. Pasi shkrihet, çokollata për mbushje është gati.
- Hapim petën sfogliat në tavolinën e punës dhe e presim në forma trekëndëshe. Në çdo pjesë vendosim nga pak çokollatë dhe i mbyllim role duke filluar nga pjesa e jashtme.
- Mini croissant e përgatitur i vendosin në tavë ku kemi shtruar letër kuzhine.
- Sipër hedhim pak sheqer dhe vendosin tavën për pjekje në temperaturën 180°C për rreth 15 minuta.
- Mini croissant janë gati. Sipër hedhim pak çokollatë të shkrirë dhe i shërbejmë. Mund ti shoqërojmë ne lëng molle ose pije të tjera frutash.
Ju bëftë mirë!
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!