Embëlsira
Komente nga Fb - Shkruaj një koment

Bombica me banane – Ëmbëlsira për fëmijë

Përgatitja: 30 min - Sasia: 20 copë Persona

Ëmbëlsira të vogla të cilat mund ti shijojmë çdo moment. Bombica me banane pëlqehen shume gjithashtu edhe nga fëmijët. Përgatita e ëmbëlsirave është e shpejtë dhe e thjeshtë.

Përbërësit për Bombica me banane – Ëmbëlsira për fëmijë


  • 2 banane të pjekura mirë

  • 200 gr biskota

  • 100 gr gjalpë

  • 50 gr sheqer pluhur

  • 200 gr miell arrë kokosi

  • 50 ml lëng portokalli

  • lëkurë limoni

Përgatitja

Për përgatitjen e ëmbëlsirave bombica me banane na duhet një grirës eletrik. Fillojmë duke grirë biskotat dhe i vendosim në një enë.
Ne një enë tjetër hedhim gjalpin e shkrirw, sheqerin pluhur, lëngun e portokallit, lëkurën e limonit dhe i përziejmë me mikser elektrik. Më pas hedhim edhe bananet e prera.

Pasi të jetë përzier mirë masa shtojmë biskotat e grira dhe rreth 100 gram nga mielli arrë kokosit. Të gjithë masën e përziejmë mirë me ndihmën e një luge.

Masa duhet të jetë e qëndrueshme dhe mund të punohet me dorë. Më pas i marrim dhe formojmë toptha të vegjël. Topthat i lyejmë me arrë kokosi nga të gjitha anët. I radhitim në një pjatancë dhe i lemë në frigorifer për 1 orë.

Sipas dëshirës kur ti shërbejmë mund ti grijmë pak çokollatë sipër.

Ju bëftë mirë!

Shkruani komentin tuaj - Komente