Panine me çokokrem shumë të buta

Panine me çokokrem janë shumë të mirë dhe të butë. Mbushja me çokokrem i jep akoma më shumë shije dhe aromë. Ideale për pasditeve apo thjesht ti shijojmë si një ëmbëlsirë ndryshe.

Panine me çokokrem

Prep Time20 minutes
Cook Time20 minutes
Resting1 hour
Total Time1 hour 40 minutes
Course: Bread
Cuisine: Italian
Keyword: buke
Sasia: 6 persona
Kalori: 340kcal

Video

Përbërësit

  • 500 gr miell
  • 200 ml qumësht
  • 100 gr sheqer
  • 100 gr gjalpë
  • 2 kokrra vezë
  • 1 lugë çaji maja birre
  • 250 gr çokokrem

Përgatitja

  • Ndiqni video recetën për të përgatitur panine me çokokrem.
  • Në një gotë hedhim majanë, 1 lugë sheqer, 3 lugë qumësht të vakët, i trazojmë dhe e lemë për 10 minuta të vijë majaja.
  • Në një enë qelqi hedhim miellin duke e hapur në mes ku shtojmë me radhë përbërësit, majanë e shkrirë, qumështin e vakët, gjalpin e shkrirë por të vakur, sheqer, 1 vezë.
  • Të gjitha masat i përziejmë me dorë ose me një robot kuzhine. Më pas masën e vendosim mbi tavolinën e punës dhe e punojmë për gati 10 minuta.
  • Brumin e punuar e vendosim përsëri në enën e qelqit i bëjmë një kryq në mes me anë të thikës. Brumin e mbulojmë dhe e lemë në një vend të ngrohtë për gati 1 orë, sa brumi të dyfishohet.
  • Pasi brumi ka ardhur e vendosim mbi tavolinën e punës, e ngjeshim për 2 minuta dhe e ndajmë në 2 pjesë. Marrim një pjesë dhe e hapim si petë e trashë me anë të pecit. Petën e ndajmë në 12 pjesë të barabarta. Në çdo pjesë vendosim nga 1 lugë çaji çokokrem.
  • Marrim e i bashkojmë të katër cepat e petës së vogël dhe i mbështjellim si boçe. (Për më shumë shikoni video recetën)
  • Këto boçe i vendosim në një tavë ku kemi vendosur një letër kuzhine. Pasi e përfundojmë të gjithë brumin duke e mbështjellë si boçe me çokokrem, tavën me panine me çokokrem e lemë të pushojë për gati 1 orë.
  • Pas 1 ore panine me çokokrem sipër i lyejmë me të verdhën e 1 veze. Tavën e futim në furrë të para ngrohur në temperaturën250° për gati 20 minuta. Tavën e lemë në furrë të fikur edhe për 15 minuta.
  • Panine me çokokrem janë gati. Presim të ftohen pak dhe i shkëpusim nga tava një e nja një.

Receta për panine për hamburger, pogaca dhe panine me qumësht.

Ju bëftë mirë nga ArtiGatimit

3 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Tortë për ditëlindje për fëmijë (Hello Kitty)

Kjo është një tortë speciale për raste ditëlindjesh për fëmijët e jo vetëm. Në rastin tonë e kemi zbukuruar sipër tortën me figurën e Hello Kitty por çdo njeri është i lirë të bëjë zbukurimin që i pëlqen më shumë. Në këtë recetë kemi një bazë pandispanje ose më mirë një tortë 'sfungjer' ( sponge cake) që është e mbushur me një krem çokollate. është me të vërtetë një tortë që ia vlen mundimi i përgatitjes. Miqtë tuaj do të ngelen patjetër shumë të kënaqur nga kjo ëmbëlsirë.

Reçel Fiku

Sot po japim recetën e reçelit të fikut të cilin mund ta shijojmë edhe më vonë, kur në treg të mos e gjejmë më këtë frutë kaq të shijshëm.

Akullore me luleshtrydhe dhe kos

Një recetë verore fantastike, akullore me luleshtrydhe e kos përgatitur në shtëpi. Akullore shumë e butë dhe shija e freskët e luleshtrydheve të bëjnë për vetë. Duhet ta provoni këtë recetë për akullore te bere në shtëpi.

Receta për Kabuni

Kabunija është një ëmbëlsirë shumë e shijshme, e gatuar me oriz, sheqer dhe e përzier me rrush të thatë i cili i jep një shije të veçantë. Me pak përbërës dhe në pak kohë, do të kemi një ëmbëlsirë që do të kënaqë të gjithë të ftuarit tanë.