Petë të mbushura me mollë është një ëmbëlsirë e ngjashme me strudel, recetën e të cilës e gjeni në faqen tonë. Përgatitja e mbushjes në këtë rast ndryshon, pasi sheqeri behët karamel dhe mollët japin akoma më shumë aromë.
Ndiqni këto hapa të thjeshta për të përgatitur recetën petë të mbushura me mollë. Bëni kujdes të mos digjni karamelin pasi ëmbëlsira mund të mbaj shije të hidhur.
Petë të mbushura me mollë
Sasia: 4 persona
Kalori: 260kcal
Përbërësit
Per brumin
- 180 gr miell
- 90 ml ujë
- 180 gr margarinë
- pak kripë
Për mbushjen me mollë
- 300 gr mollë
- 120 gr sheqer
- 50 gr gjalpë
- 50 gr marmelatë kajsie
- pak kanellë
- lëngu i gjysmë limoni
- 100 gr sheqer pluhur
Përgatitja
- Në një enë qelqi hedhim miellin, ujin, pak kripë dhe i trazojmë. Shtojmë gjalpin e prerë në kubik dhe e punojmë mirë me dorë ose me makineri. Brumin e mbështjellim me një qeskë kuzhine dhe e lëmë të pushoj për gati 1 orë.
Përgatitim mbushjen.
- Si fillojmë qërojmë mollët dhe i spërkatim më lëngun e limonit që mos të nxihen. Në një enë hedhim sheqerin dhe e vendosim në zjarre. Pasi të këtë shkrirë komplet hedhim gjalpin dhe e trazojmë më kujdes. Me pas hedhim mollën e prerë në kubik dhe e lëmë vetëm 2 minuta në zjarr. Shtojmë pak fare kanellë nëse dëshirojmë. Mbushjen e lëmë të ftohet.
- Pasi brumi ka pushuar e ndajmë në pjesë të vogla të cilat i hapim me okllai në forma drejtkëndore. Peteve sipër i hedhim nga një lugë marmelatë kajsie dhe dy lugë gjellë mbushje me mollë dhe i mbyllim me kujdes. Sipër i hedhim sheqer pluhur.
- Petë të mbushura me mollë i pjekim në furrë të para ngrohur në 180 °C për 20 minuta ose sapo të shikojmë që sipër kanë marrë atë ngjyrën e këndshme të verdhë.
- Petë të mbushura me mollë janë gati. Sapo të ftohen, përsëri sipër i spërkasim sheqer pluhur dhe i shërbejmë.
Ju rekomandojmë të lexoni recetën për strudel, recetën për biskota me mollë apo dhe recetën për kek me mollë.
Ju bëftë mirë nga Artigatimit.com
Na ndiqni në Instagram @ArtiGatimit dhe vendosni tag #artigatimit recetat që gatuani!
Komento nga Facebook!