Torta me arrë kokosi, kakao e kos është një ëmbëlsirë e veçantë në shije. Kakao e arra kokosit janë këta përbërës që i japin veçantinë kësaj torte. Këtë recetë të thjeshtë mund ta gatuani edhe me fëmijët, e jam e sigurt që do të kënaqen shumë duke u lyer me kakao gjithandej.
Tortë me kakao, kos e arrë kokosi
Përbërësit
- 250 gr kos i bardhë do të ishte me mirë me shije arrë kokosi
- 230 gr sheqer
- 3 vezë
- 100 gr gjalpë
- 80 gr miell
- 80 gr kakao pluhur
- 3 lugë gjelle arrë kokosi e grirë
- 1 pako maja për ëmbëlsira
- pak kripë
Përgatitja
- Në një enë qelqi hedhim vezët dhe sheqerin. I shtojmë edhe pak kripë. I rrahim fort me rrahësin elektrik derisa të arrijmë një masë të fryrë si shkumë.
- Në një enë sitim miellin, kakaon dhe majanë. I përziejmë mirë dhe ia shtojmë ngadalë masës me vezë. Me një lugë druri i trazojmë me kujdes. Hedhim në të edhe arrën e kokosit. Më pas shtojmë kosin dhe gjalpin e shkrirë.
- I përziejmë ngadalë derisa të arrijmë një masë homogjene.Hedhim masën në një tavë të lyer me pak gjalpë e miell.
- Vendosim tavën të piqet në tavë të nxehtë 180°C përreth 30-35 minuta.
- Më pas nxjerrim tortë dhe e lemë të ftohet. E presim në feta dhe e servirim me pak arrë kokosi të grirë sipër.
Notes
Përgatitja
Ju bëftë mirë nga ArtiGatimit!
1 comment
Nje embelsire e mrekulueshme. Nje zgjedhje shume e mire per te gjithe. Ju keshilloj ta provoni.Shume flm Arti Gatimit.