Kos me fruta mund të shërbehet si mëngjes, si ëmbëlsirë pas buke i shoqëruar me fruta të freskëta ose pasdite. Mund të përgatitet me çdo frutë që mund t’iu gjendet në shtëpi.
Kos me fruta
Sasia: 2 persona
Kalori: 120kcal
Përbërësit
- 100 gr luleshtrydhe
- 300 gr kos i bardhë
- 1 lugë gjelle mjaltë
- 1 banane
- fruta pylli
- fara chia
Përgatitja
- Ideale për këtë recetë do të ishte që kosin ta përgatisim në shtëpi, recetën mund ta gjeni në faqen tonë, lexo si të përgatisim kosin në kushte shtëpie.
- Marrim luleshtrydhet i lajmë dhe i presim në copa të vogla. Vendosim luleshtrydhet në një enë dhe i kalojmë në grirës elektrik deri sa të bëhen pure. Shtojmë kosin, mjaltin dhe i trazojmë në mikser. Masën kos me fruta e vendosim në frigorifer për disa çaste.
- Për ta shërbyer hedhim kosin me luleshtrydhe në një enë dhe sipër hedhim disa fruta pylli dhe bananen e prerë në copa. Gjithashtu mund ta shërbejmë me të tjera fruta të freskëta që kemi në shtëpi. Vendosim sipër edhe disa copa luleshtrydhe dhe e shërbejmë.
