Tortë me kakao

96 Shares
96
0
0
Torte me kakao është një ëmbëlsirë e thjeshtë për tu përgatitur dhe shumë e mirë që bën të lumtur të gjithë e sidomos fëmijët. Ne, këtë tortë e kemi zbukuruar me figurën e maces Kitty, shumë e dashur për fëmijët, por secili mund ta zbukurojë sipas dëshirës, ose thjesht mund ta lemë edhe pa zbukurim. Në përgatitjen e tortës mund të bëjmë edhe fëmijët pjesëmarrës që të na ndihmojnë.

Tortë me kakao

Përbërësit

  • 200 gr miell
  • 150 gr sheqer
  • 100 gr gjalpë
  • 3 vezë
  • 75 ml qumësht
  • 30 gr kakao
  • 1 pako me maja për ëmbëlsira
  • pak kripë
  • Përbërësit për zbukurim

  • 1 pako sheqer pluhur
  • disa rruaza sheqeri
  • 2-3 manaferra
  • 1 formë Hello Kitty

Përgatitja

  • Në një enë hedhim të verdhat e vezëvë dhe sheqerin. Fillojmë ti rrahim me rrahësin elektrik derisa të kemi një përbërje si shkumë. Më pas shtojmë ngadalë gjalpin e shkrirë. Në një enë tjetër bashkojmë miellin me kakaon dhe majanë. Këtë përbërje e hedhim te ena tjetër me vezë, duke e alternuar me qumështin. I trazojmë me ngadalë me një lugë druri. Shtojmë me ngadalë dhe të bardhat e vezëve të cilat i kemi rrahur më parë. Bashkojmë mirë të gjithë masën dhe e hedhim në një tavë të rrumbullakët të cilën e kemi lyer paraprakisht me pak gjalpë dhe miell.
  • E vendosim në furrë 180°C të nxehur paraprakisht dhe e lemë të piqet përreth 40 minuta. Më pas e lemë të ftohet, dhe pasi është ftohur e heqim nga tava dhe e vendosim në një pjatancë. Marrim formën dhe e vendosim sipër tortës, me anën e një site hedhim sheqerin pluhur. Heqim formën dhe vazhdojmë të zbukurojmë tortën. Vendosim 2 manaferra te sytë e maces, 1 tjetër te kordelja dhe bëjmë hundën dhe buzët me rruazat e sheqerit. Këtë tortë mund ta zbukurojmë në shumë mënyra, sipas fantazisë së momentit.

Notes

Përgatitja - Torte me kakao

Ju bëftë mirë

96 Shares
21 comments
  1. shum e bukur mirpo spo e kuptoii 100 gr gjalp qfar eshte se spo e kuptoi mos eshte margarin apo flm per mirkuptim ju pershendes

    1. Margarina tek familja e yndyrerave futet per eshte me mire te perdoresh gjalpe.

      Gjalp – Shqip
      Burro – Italisht
      Butter – Anglisht

      Nuk e di ke kupton nga keto fjale!

      Gjithe te mirat!

        1. titi flm shum qe tregove qe xhalp osht butter se shum receta skom mujt mej pregatit se nuk e disha nese edin dhe majana qfar esht se nuk po ekuptoj me trego klm te pershendes

          1. Maja eshte ajo substanca qe ndihmon perberjen te ngrihet (fryet) – Ka shume lloje te tilla.

            Anglisht: baker’s yeast
            Italisht: lievito

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

Reçel portokalli

Reçeli i portokallit i përgatitur në shtëpi është me të vërtetë shumë i shijshëm. Ka një aromë të mrekullueshme. Me këtë reçel mund të shoqërojmë pjatanca të ndryshme djathrash, mund të përgatisim torta të shijshme ose mund ta shijojmë me një copë buke të thekur.

Torte kompjuter me çokollate

Tortën kompjuter ua dedikojmë të gjithë lexuesve të faqes tonë, sepse është kompjuteri ai që na bashkon e na ndihmon 'të shijojmë' receta të shijshme. U mbush një vit që jemi së bashku në këtë faqe me receta gatimi e këshilla të ndryshme. Shpresojmë që t'ju kemi ndihmuar sadopak me recetat tona.

Buding me çokollatë

Këtë ëmbëlsirë mund ta përgatisim edhe një ditë përpara dhe e lemë në frigorifer derisa ta servirim. Budingun mund ta hedhim në një formë të vetme ose mund ta ndajmë në forma të vogla sa për një person.

Biskota me miell misri

Biskota me miell misri shumë të shijshme dhe të shëndetshme. Në këtë recetë kemi përdorur edhe miell orizi. Mielli i misrit është i pasur me përbërës të dobishëm për organizmin e njeriut, si dhe mielli i orizit.

Torta e të Dashuruarëve

Edhe pse Shën Valentini ka rreth një muaj që ka kaluar, dashuria është dhe mbetet përgjithmonë. Dëshiroj të nis këtë aventure me një ëmbëlsirë vërtet speciale të cilën e kam quajtur Torta e të dashuruarëve. Eshtë një tortë vërtet e shijshme dhe jo shumë e vështire për tu përgatitur, është thjesht një pandispanjë e mbushur me krem gjalpi me çokollate. Mund ta përgatitni për çdo rast të vecantë.

Ananas në zgarë

Ananasi në zgarë është një mënyrë ndryshe për të servirur këtë frut ekzotik. është shumë i thjeshtë për tu përgatitur, por në këtë mënyrë do të shijoni me të vërtetë një pjatë të veçantë.