Tortë e thjeshtë me mollë

Torta me mollë është një nga ato tortat që nuk mund ti rezistosh dot. Kjo është një recetë shumë e shpejtë dhe e thjeshtë dhe në pak kohë do të kënaqeni me shijen e kësaj ëmbëlsire.

Tortë e thjeshtë me mollë

Përbërësit

  • 3 kokrra mollë
  • 5 vezë
  • 400 g miell
  • 300 g sheqer
  • 150 ml vaj kikiriku
  • 200 ml qumësht
  • 1 pako maja për ëmbëlsira
  • 1 lugë sheqer ngjyrë kafeje
  • pak lëng limoni
  • pak sheqer pluhur

Përgatitja

  • Si fillim qërojmë mollët dhe i ndajmë në feta të vogla.
  • (Nëse keni një robot elektrik mund ti hidhni të gjithë përbërësit në të me radhë në të dhe e përzieni për disa minuta derisa të gjithë përbërësit të jenë bashkuar mirë.)
  • Marrim një enë qelqi ku hedhim fillimisht vezët me sheqerin dhe i rrahim mirë me rrahësin elektrik ose me rrahëse vezësh. Pasi janë përzier mirë shtojmë miellin e situr mirë e të përzier me majanë. Njëkohësisht me miellin shtojmë edhe vajin duke e alternuar. E trazojmë ngadalë dhe shtojmë pak nga pak qumështin. Nëse e shohim që masa është shumë e thatë mund të shtojmë pak qumësht më tepër dhe anasjelltas, nëse shohim që masa është e shumë qullët shtojmë pak miell. Përziejmë përbërësit mirë derisa të arrijmë një masë homogjene.
  • Marrim formën dhe e lyejmë me pak gjalpë e miell që të mos ngjit dhe hedhim në të masën e përgatitur.
  • Sipër i shtojmë fetat e mollës të cilat në fund i spërkatim me pak sheqer ngjyrë kafeje.
  • Vendosim tavën në furrë dhe e lemë të piqet përreth 30-40 minuta.
  • Heqim tortën nga furra dhe e lemë të ftohet më pas e vendosim në një pjatancë dhe e spërkasin me sheqer pluhur.
  • Presin ëmbëlsirën në copa dhe e shërbejmë në pjata e mund ta shoqërojmë edhe me pak pana të rrahur.

Notes

Përgatitja e tortës me Mollë

Ju bëftë mirë!

torte me molle-receta gatimi per embelsira te thjeshta

159 Shares
Lini një Përgjigje

Adresa juaj email s’do të bëhet publike.

Recipe Rating




You May Also Like

Receta për Krem Brulèe

Crème brûlée, shfaqet për herë të parë në një libër recetash franceze, dhe pse origjina ka mundësi të jetë shpikje anglezëve. Anglezët e quajnë "burnt cream", pra krem i djegur. Le ta zbulojmë si të gatuajmë këtë recetë ëmbëlsire.

Shëndetlie

Shëndetlia është padyshim një nga ëmbëlsirat shqiptare më të mira. Para shumë vitesh shëndetlia gatuhej veç në raste festash, por tani me këto pak përbërës që i gjejmë kudo mund ta gatuajmë në çdo moment.

Torte me smarties e kitkat

Torta e zbukuruar me smarties është një tortë plot ngjyra , me një efekt fantastik. Në të vërtetë është një tortë e thjeshtë për tu përgatitur. Bazën e tortës mund ta përgatisim një ditë më parë dhe ta zbukurojmë në momentin që e servirim.