Receta për të përgatitur Kinder Delice

Si të përgatitim Kinder Delice, këtë ëmbëlsirë që ë preferojnë si të vegjlit po ashtu edhe të rriturit.

Përgatitja e kësaj ëmbëlsirës Kinder Delice është e thjeshtë, në pjesën e parë do të përgatisim pandispanjën me kakako dhe më pas mbushjen e ëmbëlsirës.

Kinder Delice

Prep Time35 minutes
Cook Time15 minutes
Total Time50 minutes
Course: Dessert
Cuisine: Italian
Keyword: embelsire
Sasia: 6 persona
Kalori: 240kcal

Përbërësit

Për pandispanjën

  • 3 kokrra vezë
  • 125 gr sheqer
  • 200 ml pana për ëmbëlsira
  • 125 gr miell
  • 40 gr kakao
  • 5 gr fryrës për ëmbëlsira

Për mbushjen

  • 500 gr maskarpone djathë krëm
  • 70 gr mjalt
  • 200 ml pana me 30% yndyrë
  • 100 gr sheqer pudër

Përgatitja

Hapi i parë – Përgatitim pandispanjën

  • Në një enë hedhim vezët sheqerin dhe i punojmë me rrahësin elektrik sa të tretet sheqeri. Më pas shtojmë panën duke vazhduar ta rrahim për 2-3 minuta.
  • Miellin,kakaon dhe fryrësin për ëmbëlsira i bashkojmë në një enë sa të bashkohen masat. Përbërësit e thatë i hedhim te ena e vezëve duke i përzier me telin e vezëve.
  • Pasi e shikojmë që masat janë përzier mirë e hedhim në një tavë 40cm x 35cm ku kemi shtruar një letër kuzhine. Masën e hapim në formë të njëtrajtshme në të gjithë sipërfaqen e tavës.
  • Pandispanjën për Kinder Delice e pjekim në furrë të nxehur në 180°C për 10-15 minuta.

Hapi i dytë – Përgatitim mbushjen

  • Në një enë qelqi hedhim maskarpone, mjaltin e punojmë mirë me rrahësin elektrik për 3-4 minuta.
  • Panën me sheqerin pudër e rrahim në një enë tjetër sa të bëhet një shkumë e qëndrushme. Shtojmë në të maskarponen pjesë-pjesë e përziejmë dhe për 2-3 minuta dhe mbushja është gati. Maskarpone është një lloj djathi, lexo më shumë për përbërësin maskarpone.
  • Pandispanja pasi është pjekur dhe ftohur e ndajmë në mes duke formuar kështu 2 shtresa.
  • Hedhim mbushjen në njërën nga shtresat, në pjesën e brendshme, e hapim në të gjithë sipërfaqen dhe vendosim shtresën tjetër sipër.
  • Embëlsirën Kinder Delice e lemë për gati 2 orë në frigorifer. Më pas e presim në pjesë dhe e servirim.

Lexoni si të përgatisni ëmbëlsira bombica me banane.

Mos harroni të abonoheni në njoftimet e faqes për të lexuar të parët recetat e gatimit të reja.

Ju bëftë mirë!

2 Shares
Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Recipe Rating




You May Also Like

10 receta ëmbëlsira me mollë

Një përmbledhje me receta ëmbëlsirash me mollë. Tortat me mollë janë shume te shijshme dhe mund ti përdorni si në mëngjes por edhe pasditeve të shoqëruar me çaj. Lexoni këto receta të thjeshta për ëmbëlsira me mollë.

Krapfen me nutella

Krapfen janë me origjine gjermano-austriake. Është një ëmbëlsirë në formë të rrumbullakët që skuqet e mbushet më pas me marmalate ose krem ose thjesht shërbehen me sheqer pluhur sipër. Ne kemi sjellë krapfen me nutella, një version të kësaj ëmbëlsirë të pjekur në furrë.

Video Receta – Shëndetlie Shqiptare

Tashmë e keni akoma më të lehtë për të përgatitur recetën e shëndetlisë. Në këtë video recetë, do të ndiqni hapat si të përgatisni me sukses ëmbëlsirën shumë të njohur shqiptare. Në vijim kemi shkruajtur të gjithë përbërësit që duhen për ëmbëlsirën e shëndetlisë.