Zupa angleze pavarësisht emrit është një ëmbëlsirë italiane ku përbërësit kryesorë janë pandispanjë dhe kremi pastiçer. është shumë e përhapur në qendër të vendit por nga zona në zonë kjo ëmbëlsirë ka ndryshime.
Zupa angleze – Receta Klasike
Sasia: 4 persona
Kalori: 205kcal
Përbërësit
- 200 gr luleshtrydhe
- 100 gr sheqer
- 50 gr pandispanjë
- 30 gr kakao
Për shurupin
- 30 ml pije Alchermes
- 100 ml ujë
- 60 gr sheqer
Për kremin pastiçer
- 4 të verdha veze
- 500 ml qumësht
- 200 gr sheqer
- vanilje
- lëkur limoni
Përgatitja
- Për zupa angleze në fillim sugjerojmë të përgatitet kremi pastiçer. Mund të ndiqni lidhjen për të lexuar recetën për kremin pastiçier.
- Pasi kemi përgatitur kremin pastiçier, një të katrën e kremit e ndajmë dhe e përziejmë më kakaon.
- Gjithashtu përgatisim edhe shurupin për të njomur pandispanjën. Edhe recetën e pandispanjës e gjeni në faqen tone. Lexo si të përgatisim pandispanjën.
- Luleshtrydhet i grijmë në mikser dhe i hedhim në një enë. Shtojmë në të sheqerin dhe e trazojmë. Enën e vendosim në zjarr të avashëm duke e lënë në zjarr 3 minuta. Masën e trazojmë që të bëhet e njëtrajtshme dhe sheqeri të shkrijë.
- Tani nuk ngelet gjë tjetër veçse të përgatisim gotën më zupa angleze.
- Presim pandispanjën në formën e gotës dhe më parë e lyejmë më sherbetin e përgatitur. E vendosin më pas në fundin e gotës. Kombinimin e shtresave mund ta bëjmë sipas dëshirës.
- Hedhim me radhe shtresat, atë të kremit pastiçier, luleshtrydhet, dhe kremin e çokollatës.
- Sipër gotave vendosim fruta të freskëta. Zupa angleze është gati. E vendosim për disa orë në frigorifer dhe më pas e shërbejmë.
Ju bëftë mirë!
